web counter
LEXO PA REKLAMA!

SHKARKO APP

App Store
Google Play

SHBA vendosi veto ndaj projekt-rezolutës mbi Palestinën në KS të OKB-së

2 Qershor 2018, 17:32, Aktualitet CNA

SHBA ka vendosur veton ndaj projekt rezolutës së Këshillit të Sigurimit të OKB-së, e cila kërkoi mbrojtje për popullin palestinez, transmeton “Anadolu Agency” (AA).

Sot në Këshill për votim u paraqit projekt-rezoluta, votimi i së cilës u shty ditën e djeshme dhe të cilën e propozoi Kuvajti, si një prej anëtarëve të përkohshëm të KS-OKB-së, për të cilën janë kryer negociata për më shumë se dy javë.

Ndërkohë që SHBA-ja vendosi veton mbështetje kanë dhënë 10 vende, kurse Britania, dhe vendet anëtare të përkohshme si Polonia, Holanda dhe Etiopia abstenuan.

Në projekt-rezolutën, që është rishikuar tre herë, kërkohej mbrojtje ndërkombëtare për popullin palestinez, ndërsa në projekt-rezolutën e pregatitur së fundmi bëhej thirrje për ?vlerësimin e masave për të siguruar mbrojtjen ndërkombëtare ?ndaj civilëve pelstinezë?.

Përfaqësuesja e përhershëme e SHBA-ve në OKB, Nikki Haley në një fjalim para votimit tha se në projekt-rezolutën që Kuvajti ka paraqitur në Këshill nuk është përmendur asnjëherë Hamasi, dhe se kjo projekt-rezolutë është e njëanshme.

Duke bërë përgjegjës Hamasin për ngjarjet e dhunshme në Gaza dhe duke vënë në dukje se Hamasi duhet të dënohet, Haley u shpreh se të gjitha vendet që i kushtojnë vëmendje paqes duhet të kundërshtojnë këtë projekt rezolutë.

Në mënyrë që një projekt-rezolutë të pranohet në KS-OKB është e nevojshme që të pranohet nga 9 prej 15 anëtarëve dhe që asnjë nga vendet anëtare të përhershme SHBA, Rusia, Kina, Britania dhe Franca të mos vendosin veton.

Nga ana tjetër bëhet e ditur se SHBA-të sollën në Këshill një projekt-rezolutë tjetër, që kërkon dënimin e Hamasit, ndërkaq nuk është është pranuar për shkak se nuk mori 9 votat e nevojshme.





Lajmet e fundit nga