web counter
LEXO PA REKLAMA!

SHKARKO APP

App Store
Google Play

E fundit!

x

Klevis Balliu djali i ish-spiunit të Sigurimit të Shtetit?

30 Maj 2018, 21:07, Aktualitet CNA

Në emisionin “ARENA” të gazetarit Dritan Hila, çuni i Fahri Balliut, një nga deputetët që është kthyer në hit për gafat e tij në rrjetet sociale, duke ia kaluar edhe Nard Ndokës, ka akuzuar Shenasi Ramën, themeluesin e PD-së, si ish-bashkëpunëtor i Sigurimit të Shtetit në vitin 77.

Gjithsesi një politikan i ri, i vendosur deputet si qokë ndaj babait të tij, ka të drejtë të thotë të vërtetën dhe shumë mirë bën që e thotë atë. Por ne të CNA (CityNews Albania) kemi një pyetje publike për Klevis Balliun. A do ta denonconte publikisht babain e tij, në rast se i ati, pra Fahri Balliu, ka qenë bashkëpunëtor i Sigurimit të Shtetit?

Për këtë i lutemi Klevisit t’i bëjë dy pyetje babait të tij, që ne ia kemi bërë shpesh nga redaksia jonë, por asnjëherë nuk është përgjigjur.

Përse nuk është pranuar që të anëtarësohej në Partinë e Punës, pra të bëhet komunist Fahri Balliu, afër viteve 90′-të në Elbasan kur jetonte atje? Sepse kur ka bërë kërkesën i është refuzuar nga Dega e Punëve të Brendshme. Atëherë nuk pranoheshe të bëheshe komunist vetëm kur kishe një dosje, sepse me bëmat e Fahriut dhe me bashkëpunimet e ngushta që kishte me kupolën e lartë komuniste, deri tek Hekuran Isai apo Ramiz Alia, asgjë nuk e pengonte për tu bërë komunist.

Më pas ka pasur edhe një moment të dytë, po afër viteve 90′-të, 2 apo 3 vite pas kërkesës që ai kishte bërë në Elbasan për tu bërë komunist.

Fahriu ka bërë kërkesë kur ka qenë tek “Zëri i Popullit”, por edhe atë herë nuk është pranuar në parti, pra nuk është bërë komunist.

A mundemi të kemi një përgjigje nga Klevisi? Të paktën ta pyesë babain e tij me sinqeritet, ka qenë apo jo bashkëpunëtor i Sigurimit të Shtetit. Do të ishte më e ndershme për të dhe do të ishte më i besueshëm. Kështu do të kishte të drejtë të akuzonte këdo që kish qenë bashkëpunëtor i Sigurimit të Shtetit ose jo. Të paktën do të shuante edhe kureshtjen e shumë shqiptarëve ka qenë apo jo Fahri Balliu, spiun i Sigurimit të Shtetit.

Që ka qenë spiun në kohën e Berishës si pjesë e strukturës së SHIK-ut të Bashkim Gazidedes e di Klevisi jemi të bindur, përpara 90′-ës i kemi pyetjet ne të CNA. /CNA.al





Lajmet e fundit nga