web counter
LEXO PA REKLAMA!

SHKARKO APP

App Store
Google Play

Kontrata speciale / Institucionet mbushen me militantë

30 Maj 2018, 18:49, Aktualitet CNA

Zyra Kombëtare e Auditimit ka evidentuar se institucionet qendrore dhe lokale të vendit kanë punësuar numër të madh të punëtorëve nëpërmjet kontratave të veçanta dhe pa përfillur asnjë procedurë ligjore të punësimit.

Ka ankesa se nëpërmjet këtyre kontratave po punësohen kryesisht militantët partiakë, shkruan sot gazeta “Zëri”.

Punësimet e militantëve politikë pa i përfillur fare procedurat e rekrutimit, ashtu siç parashihet me ligj, tashmë janë bërë trend në institucionet qendrore, por edhe në ato lokale.

Në raportet e Auditorit për vitin që lamë pas thuajse në të gjitha institucionet është vërejtur një numër i konsiderueshëm i punëtorëve me kontrata të tilla.

32 punëtorë me marrëveshje për shërbime të veçanta i kishte angazhuar Komuna e Mitrovicës, nën udhëheqjen e Agim Bahtirit, pa aplikuar procedurë të rekrutimit siç parashihet me aktet ligjore.

Por Komuna që drejtohet nga Bahtiri nuk është e vetmja e cila i ka shpërfillur procedurat ligjore në raste të punësimit. Shkelje të tilla administrative janë evidentuar edhe në Komunën e Ferizajt gjatë kohës sa udhëhiqej nga Muharrem Svarqa i LDK-së.

Në këtë Komunë mbi 40 mësimdhënës janë punësuar në shkollat e Ferizajt pa shpallje të vetme publike.

Shkelje thuajse të ngjashme janë evidentuar edhe në Komunën e Istogut. Komuna e Istogut nën udhëheqjen e Haki Rugovës ka angazhuar 49 zyrtarë përmes marrëveshjeve “për shërbime të veçanta”.

 





Lajmet e fundit nga