E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Unazat më mbresëlënëse që kanë marrë të famshmet shqiptare gjatë propozimit për martesë

29 Maj 2018, 08:25, Lifestyle CNA

Gjetja e unazës së përkryer për të bërë një propozim për martesë, është një dhunti më vete, veçanërisht në kohët e sotme, kur ka një shumëllojshmëri unazash elegante dhe tërheqëse dhe femra të fiksuara pas gurëve të mëdhenj.

Unazat me gurin e diamantit janë ndër të preferuarat e femrave veçanërisht atyre të famshmeve që e ekspozojnë për të gjithë botën unazën e tyre. Dhe sigurisht pyetja kryesore është: Sa karat është? Kim Kardashian mori një unazë diamanti 15-karatësh nga Kanye West me vlerë 2 mln dollarë që na mahniti të gjithëve.

Dhe meqë jemi te unazat me diamant, as të famshmet shqiptare nuk mbeten mbrapa. Por cilat janë femrat shqiptare që kanë marrë unazat më të bukura gjatë propozimit për martesë?

Sara i tha menjëherë ?Po? Ledionit sapo pa këtë unazë të mrekullueshme, një unazë fejese klasike me një gur që bie në sy mjaftueshëm. Unaza e trashëgimtares së Top Channel, renditet si një ndër unazat më të bukura që kemi parë në showbiz-it shqiptar dhe Sara ende e mban në gishtin e saj, të paktën deri sa të zëvendësohet me rrethin e martesës, që pritet të mbahet shumë shpejt.

Unaza me diamant që mori Afërdita gjatë propozimit për martesë nga kroati Jakub, ishte e personalizuar, e dizenjuar enkas për bukuroshen shqiptare në SHBA. Unaza besohet të jetë afro 10 karatë dhe përveç gurit gjigant që të verbon, ajo shkëlqen edhe nga gurët anësorë.

?As në ëndrra nuk e kisha imagjinuar ashtu?, rrëfeu Afërdita dhe në fakt ka të drejtë.

E preferuara jonë, është super unaza e modeles shkodrane Angela Martini, e cila tashmë është martuar me miliarderin rumun Dragos Savulescu. Unaza në formë katrore besohet të jetë mbi 10 karatë dhe është dizajnuar nga shoqja e Angela-s:

?Para katër vitesh i thashë shoqes sime të mirë, Yael Lilienfeld, një dizajnuese e shkëlqyer e stolive të çmuara, se një ditë ajo do të ma bënte unazën e martesës. Po ashtu, para tre vitesh, kur akoma ishim duke jetuar në Neë York, i thashë se do të zhvendosem në Los Angeles, sepse atje është vendi ku do ta gjej ?të duhurin??, ka rrëfyer Angela më herët dhe duket se gjithçka i ka shkuar siç e kishte imagjinuar.

Erik Lloshi ka vetëm pak muaj që është fejuar, dhe po përjeton një periudhë mjaft të bukur tani që është DY. Pak kohë më parë ai publikoi foton e unazës me të cilën propozoi të dashurën Romina Sablic dhe menjëherë na bëri klik. Aspak e zakonshme, unaza e propozimit kishte një gur të madh katror në mes që shndrinte dhe një sërë gurësh të tjerë të vegjël anësorë.

Eliza Dushku shpalli fejesën me biznesmenin Peter Palandjian, në qershorin e vitit të kaluar. 37-vjeçarja shfaqi unazën e saj të mrekullueshme të fejesës teksa ishte e pranishme për një intervistë në ?Awesome Con?. E veshur me një palë xhinse të grisura dhe një bluzë, aktorja me origjinë shqiptare ia kishte lënë të gjitha meritat e bukurisë së saj unazës me diamant, që mbante në gisht.

Pasi na prezantoi me vajzën që i rrëmbeu zemrën, Jon Gjebrea, djali i moderatorit të njohur Ardit Gjebrea e tregoi me krenari se kishte zgjedhur një ndër unazat më të veçanta për Merlin Haxhiymerin. Pavarësisht se nuk është nga ato tradicionalet që jemi mësuar të shohim nëpër fejesa, kjo unazë është shumë e veçantë dhe moderne me dizajnin e dy luleve me gurë jeshilë smeraldi dhe ngjyrë të artë dhe argjendi. Epo nga ne ka shumë komplimente për këtë zgjedhje unike!

E fundit, por jo më pak e bukur, është unaza e këngëtares së njohur, Adelina Tahiri e cila u martua me miliarderin maqedonas, Seryzha Markov. Ky i fundit u tregua me mjaft shije kur zgjoshi markën prestigjoze Cartier, që ka projektuar unazën e fejesës në koleksionin Destinee Solitar, që kushton 5360 euro.