E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Video-I zverdhur dhe me zë të mekur/ Ministrit Xhafaj i “dridhet” toka nën këmbë

28 Maj 2018, 12:51, Aktualitet CNA

Pas protestës së opozitës të mbajtur të shtunën, ministri i Brendshëm Fatmir Xhafaj, është shfaqur të hënën në publik.

I zverdhur, i djersitur, me frymën që i merrej, me zë të mekur dhe me fraza të ngatërruara Xhafaj ka gjetur kurajo që të flasë, për lufën kundër krimit, korrupsionit si dhe për task forcën ?Forca e Ligjit?.

Si një i penduar që është i detyruar të bashkëpunojë me drejtësinë, Xhafaj, është ndalur tek refoma në polici.

Sipas tij, nënshkrimi i një marrëveshje me një kompani gjermane do të ndihmojë në luftimin e krimit dhe korrupsionit në Shqipëri.

Xhafaj është ministri që flet për luftën kundër krimit dhe korrupsionit, merr pjesë në konferencat me të njëjtat tema, ndërkohë që me veprimet e tij bën të kundërtën.

Vëllai i tij Agron Xhafaj, edhe pse i dënuar më vendim të formës së prerë nuk kishtë bërë asnjë ditë burg dhe u kujtua që të zbatonte ligjin, vetëm pasi skandali u bë publik.

Mirëpo, Xhafaj, vijon t?i qëndrojë idesë se ka qenë një gabim që vëllai i tij, ka bërë në rini, ndërkaq nga ana tjetër, mezi gjen guximin të dalë para qytetarëve.

Fatmir Xhafaj, ndoshta do të kishte dhënë dorëheqjen dhe Qeveria Rama, në parim do të quhej e rënë. Pasi më i herët një rast i ngjashëm është përsëritur me paraardhësin e tij Saimir Tahiri.

I vetmi ndryshim mes tyre është se Tahiri akuzohet se ka bëshkëpunuar me kushërinjtë trafikantë, ndërsa Xhafaj me vëllanë trafikant.

Kur toka po i ?dridhet? nën këmbë, Fatmir Xhafa duket se është i detyruar që të mos japë dorëheqjen për hir të Qeverisë, duke u shëndërruar kështu pak a shumë në kurban të Edi Ramës.

Fjala e plotë e Ministrit Xhafaj:

Çështjet e luftës kundër Krimit Ekonomik, Pastrimit të Parave dhe Korrupsionit përbëjnë një sfidë të rëndësishme për të gjithë agjencitë ligj zbatuese të vendit dhe pa dyshim edhe për Policinë e Shtetit dhe agjencitë e tjera që janë pjesë e Ministrisë së Brendshme.

Përbëjnë një sfidë të rëndësishme, por duhet pranuar njëkohësisht edhe një sfidë të vështirë për natyrën e këtyre lloj veprash penale për t?u hetuar dhe për t?u nxjerrë përpara përgjegjësisë penale personat përgjegjës.

Policia e Shtetit është në një moment të rëndësishëm reformimi në këtë fushë, në kuadrin e reformimit të përgjithshëm të Policisë Kriminale dhe e konsideron këtë një nga drejtimet kryesore, kyç, të punës së saj në kuadrin e programit të Qeverisë.

Natyrisht, miratimi më së fundmi i Planit të Veprimit për këtë çështje, i miratuar nga Qeveria, është një hap i rëndësishëm përpara, jo thjesht dhe vetëm se do ta vendosë këtë çështje akoma më shumë ndër prioritetet e agjendës së punës së Policisë, por ajo që është e rëndësishme është koordinimi më i mirë i të gjitha agjencive ligj zbatuese që operojnë në këtë fushë.

Operacioni “Forca e Ligjit” në vlerësimin tim, por besoj dhe jo vetëm në vlerësimin tim, por edhe të partnerëve që punojnë në këtë fushë dhe të gjithë aktorëve të tjerë, na ka dhënë një mësim të rëndësishëm: sado e fortë që të jetë një agjenci, sado burime njerëzore të ketë ajo, nëse nuk kemi një koordinim të mirë ndërmjet të gjitha agjencive që operojnë në këtë fushë, nuk mund të bëjmë suksesin e duhur.

Kjo e marrë në kushtet e vendit tonë, të Shqipërisë, ku edhe burimet njerëzore, financiare dhe teknike, nuk janë aq të shumta për fusha të caktuara, besoj se mbetet një prioritet.

Dhe në kontekstin e këtij Plani Veprimi, që adreson çështjet që lidhen kundër krimit ekonomik, pastrimit të parave dhe korrupsionit, kjo mbetet një nga domosdoshmëritë për të pasur sukses.

Dhe në këtë kontekst, së pari, ofrimi i një kompanie të tillë, prestigjoze me eksperiencë ndërkombëtare, besoj se do të jetë një vlerë e shtuar nga pikëpamja e nevojës që kemi për analiza të rëndësishme, për të kuptuar se cila është qasje më e mirë në kushtet e vendit tonë.

Së dyti, nga pikëpamja e nevojës për të identifikuar se cilat do

të jenë organizimet më të përshtatshme, më eficente për të adresuar fenomene të kësaj natyre.

Së treti, për të rritur nivelin e trajnimeve të kapaciteteve që ne kemi dhe ajo që është shumë e rëndësishme, besoj edhe nga nevoja që ne kemi për të koordinuar jo vetëm ndërveprimet ndërmjet aktorëve shqiptarë, por edhe me aktorë të tjerë ndërkombëtar që operojnë në këtë fushë, sepse, çështjet e pastrimit të parave, apo çështjet e korrupsionit, janë çështje siç e thashë shumë të ndërlikuara, shumë të vështira dhe kërkojnë një koordinim shumë të mirë edhe me partnerët që operojnë në këtë fushë në vendet e tjera.

Një gjë është shumë e rëndësishme dhe besoj që edhe në përzgjedhjen e kompanisë është mbajtur në konsideratë, është trajtimi i të gjithë këtyre raporteve, i gjithë këtyre burimeve, i gjithë këtyre të dhënave të cilat kërkojnë një konfidencialitet të veçantë dhe që kërkojnë natyrisht edhe një kompani të njohur për këtë cilësi, por edhe të aftë për ata bërë këtë gjë në mënyrën sa më të mirë të mundshme. Unë shpresoj që nënshkrimi i kësaj marrëveshje do të jetë një kontribut, do të jetë një vlerë e shtuar, për t?i dhënë një tjetër dimension punës së agjencive tona ligj zbatuese në fushën e luftës kundër krimit ekonomik, pastrimit të parave dhe korrupsionit.