Ndahet nga jeta Akademiku, Kolec Topalli

24 Maj 2018, 11:30, Kulturë CNA

Akademiku i njohur Kolec Topalli, është ndarë nga jeta në moshën 80 vjeçare.

Akademiku dhe gjuhëtari Topalli është autor i disa veprave të rëndësishme si ?Fjalori etimologjik i gjuhës shqipe?.

Vepra është kurorëzim i punës

Për 45 vite me radhë studiuesi Topalli ka dhënë një kontribut të mdhe të pazëvendësueshëm në fushën e albanologjisë.

Studiuesi Kolec Topalli ka lindur më 04 dhjetor 1938 në qytetin e Shkodrës dhe ka botuar një sërë veprash si Monografi, Vepra kolektive, Përmbledhje studimesh etj

Kush ishte Akademiku Kolec Topalli

Gjuhëtari Kolec Topalli është vlerësuar nga Akademia e Shkencave me çmimin më të rëndësishëm ?Çabej?, për veprën ?Fjalorin Etimologjik të Gjuhës Shqipe?; në këtë botim krahas elementit të trashëguar dhe formimeve të brendshme, në fjalor janë pasqyruar edhe disa krijime që i gjejmë edhe në gjuhë të tjera

Punën shkencore e ka nisur në fillim të viteve ?70, duke u përqendruar në fushën e historisë së gjuhës shqipe. Ka dhënë leksione dhe ka mbajtur konferenca shkencore për historinë e gjuhës shqipe në Kosovë, Maqedoni e Mal të Zi, si edhe në disa universitete e qendra shkencore jashtë vendit (Kozencë, Romë, Lecce, Palermo, Bari, Napoli, Mynhen, San-Peterburg, Detroit, Bukuresht, Zagreb, Glaskoë, Krakov, Riga etj.).

Ka botuar artikuj shkencorë në disa revista të huaja (Gjermani, Itali, Rumani, Bullgari, Rusi, Kroaci etj.); ka referuar në shumë simpoziume e seminare ndërkombëtare dhe është anëtar i redaksive të disa revistave.

Për 15 vjet radhazi (1994-2009) ka dhënë leksionet e Fonetikës historike në Fakultetin e Filologjisë të Universitetit të Tiranës.

Për kontributin e tij në fushën e arsimit, në vitin 1993 është nderuar me titullin e lartë ?Mësues i Popullit? dhe për meritat në fushën e shkencës, në vitin 1994 ka marrë titullin shkencor ?Drejtues kërkimesh? (?Profesor?).

Është zgjedhur anëtar i Akademisë së Shkencave në korrik të vitit 2008; rektor i shkollës së lartë ?Gjon Buzuku? Shkodër në vitin 2010; anëtar i Akademisë së Shkencave dhe Arteve të Kosovës në vitin 2012. Vepra ?Fonetika historike e gjuhës shqipe? është nderuar me çmimet ?Ekselenca Shqiptare 2007? dhe ?Çmimi i Albanologjisë 2008?.

Më 2011 ka botuar veprën ?Gramatikë historike e gjuhës shqipe? dhe është shpallur fitues i çmimit të Akademisë KULT 2012 për librin studimor më të mirë të vitit. Ka përfunduar veprën ?Fjalor etimologjik i gjuhës shqipe? që do të botohet në vitin 2015./CNA.al