web counter
LEXO PA REKLAMA!

SHKARKO APP

App Store
Google Play

Bota po armatoset, më 2017 u shpenzuan 1.73 trilion dollarë për armë

2 Maj 2018, 20:03, Aktualitet CNA

Shpenzimet ushtarake në mbarë globin mbërritën nivelin e tyre më të lartë në vitin 2017, që prej Luftës së Ftohtë.

Fenomeni është më i ndjeshëm në Lindjen e Mesme. Shtatë prej 10 vendeve me nivelin më të lartë të shpenzimeve për armatime, krahasuar me produktin e tyre të brendshëm bruto, janë pikërisht nga ky rajon.

Ato përfshijnë Omanin, Arabinë Saudite, Izraelin, Kuvajtin e Libanin. Ekspertët e ?SIPRI?-t arsyetojnë se, vende si Katari, Arabia Saudite apo Emiratet e Bashkuara Arabe janë të përgatitura të investojnë shuma të mëdha parash në buxhetet e tyre ushtarake, e kjo konsiderohet një shenjë e qarte e mënyrës sesi e shohin këto shtete pozicionin e tyre në rajon, përcjell TCh.

Në rastin e Rijadit, shifrat e larta dëshmojnë gjithashtu edhe shqetësimin me të cilin ai e sheh rivalin e vet të madh, Iranin. Luftrat në Siri e Jemen, nga ana tjetër, janë tregues se këto vende jo vetëm po i shtojnë shpenzimet e tyre ushtarake, por janë gjithashtu duke u përgatitur t?i përdorin këto armë për arritjen e qëllimeve të tyre.

Republika Islamike, ndërkohë, investon relativisht pak për ushtrinë, e kjo jo se i mungon dëshira për të hedhur më shumë parà në këtë drejtim, por sepse situata ekonomike nuk ia lejon për momentin.





Lajmet e fundit nga