web counter
LEXO PA REKLAMA!

SHKARKO APP

App Store
Google Play

E fundit!

x

"230 euro për një qen që Bashkia e vret"/ Sazan Guri kërcënon "lali Erin"

2 Maj 2018, 17:51, Aktualitet CNA

Bashkia e Tiranës është denoncuar nga aktivistët e mbrojtjes së mjedisit dhe jetës së kafshëve, se po bën “gjenocid” ndaj qenve të rrugës.

Një fakt i tillë është denoncuar edhe nga emisioni investigativ “STOP”, ku me zë e figurë shihen sesi Bashkia pasi ka vrarë qentë e rrugës, i ka futur në qese të zeza, i ka ngarkuar në një kamionçinë e më pas i flak në landfillin e Sharrës.

Pas këtij denoncimi, shoqata mbrojtjen e kafshëve “Animal Rescue Albania” (ARSALBANIA), zhvilloi një protestë pranë Bashkisë së Tiranës. Një ndër organizatorët e protestës, ishte edhe profesori dhe njëherësh ambientalisti Sazan Guri, i cili deklaroi se Bashkia e Tiranës ka shfarosur në një hark kohor prej dy vitesh më shumë se 10 mijë qen.

CNA.al kontaktoi me prof. Sazan Gurin dhe u interesua nëse ka apo jo fakte lidhur me këtë shifër të publikuar, për çka ai u përgjigj:

“Këtë deklaratë e bazojmë nga studimet tona rreth 7-8 vjet më parë në kohën kur ishte z. Shalësi n/kryetar i Bashkisë Tiranë, por që na erdhi e përforcuar me të njëjtën shifër edhe nga një debat televiziv, ku në një ballafaqim me drejtoreshën e Shtëpisë së Kafshëve në Kombinat, znj. Ermion, në një pyetje që i drejtoi drejtuesja e emisionit znj. Krisafi, si reagim të diskutimit tim që Bashkia Tiranë nuk ka studim mbi gjendjen e kafshëve, dhe përgjigjja u dha nga znj. Ermioni që tha: se nga studimet tona ne kemi shifrën prej 11000 Qen të sterilizuar në Tiranë, pra Bashkia ka bërë një punë të mirë për trajtimin e qenve endacakë.”

Lidhur me deklaratën se Bashkia e Tiranës jep 230 euro për përkujdesje mjekësore për një ditë ndaj qenve, por që në vend që të përkujdesen ndaj tyre, ata i vrasin, Sazan Guri u shpreh se së shpejti do të publikohen dokumentet lidhur me këtë pretendim, duke kërcënuar njëherësh kryebashkiakun Erion Veliaj, i cili ka kundërshtuar denoncimet.

“Ne disponojmë pamje të regjistruara lidhur me këto fakte që pas pak ditësh do të jenë publike.”, – është shprehet Guri.

Sipas Gurit, “Hedhja në Sharrë përbën krimin tjetër për vepër penale, sepse ky landfill, aq sa mund të quhet, nuk është i gatitur për të pritur trupat biologjikë që pas pak kthehen në kërma dhe në helme për ujrat nëntokësorë dhe ato të përdorshëm nga komunitetet njerëzore”. /CNA.al





Lajmet e fundit nga