E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Serbia po përgatit aktpadi ndaj disa zyrtarëve të lartë të Kosovës

27 Prill 2018, 19:13, Aktualitet CNA

Ministri serb i Punëve të Jashtme, Nebojsha Stefanoviç, ka deklaruar se organet kompetente të Serbisë po ndërmarrin masa dhe veprime që do të duhej të shpinin në ngritje të aktakuzës kundër ekzekutorëve dhe urdhërdhënësve për arrestimin e drejtorit të Zyrës së Kosovës në Qeverinë e Serbisë, Marko Gjuriç.

Nga foltorja e Kuvendit të Serbisë Stefanoviç ka thënë se: ?Qytetarët e Serbisë janë dëshmitarë për aktin terrorist kundër Marko Gjuriçit dhe qytetarëve serbë që jetojnë në Kosovë dhe Prokuroria për krim të organizuar ka filluar hetimet?.

?Tashmë ekziston një drejtim i mirë në kuptimin se ne i kemi personat që kanë marrë pjesë në veprimet e ndryshme në këtë akt dhe që kundër atyre personave të ngrihet aktakuzë, ndërsa po priten rrethanat që ata të jenë të qasshëm tek organet tona dhe që t?i dorëzohen organeve tona të drejtësisë?, citon ?Danas? të ketë thënë Stafanoviç.

Ai ka thënë Ministria e Drejtësisë dhe ajo e Punëve të Brendshme intensivisht në këtë dhe se nuk do të hiqet dorë që fajtorët të sillen para organeve tona, shkruan lajmi.net.

Në anën tjetër, burime të disa mediave serbe, të sjella në shqip nga mediat kosovare, thonë se në mesin e personave që Serbia pritet të ngrit aktakuzë janë ish drejtori i Policisë së Kosovës tash shef i AKI-së, Shpend Maxhuni, ish ministri i Punëve të Brendshme, Flamur Sefaj dhe shefi i kabinetit të zv/kryeministrit dhe ministrit të Punëve të Jashtme, Jetlir Zyberaj.

?Këta tre persona kanë qenë kryesorët në menaxhimin e situatës dhe në zbatimin e urdhrit politik që Marko Gjuriç të arrestohet në Mitrovicë?, kanë thënë këto burime.

Sipas tyre, urdhri i lëshuar nga zyra e Pacollit përmes Zyberajt është zbatuar ?kundërligjshëm? nga Sefaj dhe Maxhuni.

Aksioni për arrestimin e Gjuriçit në Mitrovicë ishte përshendetur nga të gjithë në Kosovë, mirëpo ka pasur edhe të tillë, politikanë, që nuk kanë qenë edhe shumë të entuziazmuar, sidomos me faktin se ai u soll në Prishtinë dhe më pas i larguar drejt Serbisë përmes pikëkalimit kufitar të Merdarës.