web counter
LEXO PA REKLAMA!

SHKARKO APP

App Store
Google Play

Terri në PD/ “Shpërthen” Arben Imami

22 Prill 2018, 11:08, Aktualitet CNA

Ish-ministri i qeverisë Berisha, Arben Imami, në një intervistë ekskluzive për CNA.al teksa ka folur për ndryshimet statutore në Këshillin Kombëtar, që u mbajt dy ditë më parë, ka komentuar dhe mungesën e analizës në këtë proces.

I pyetur nga CNA.al se cili ishte komenti i tij për mungesën e analizës dhe bllokimin e fjalës së lirë në KK, Imami është përgjigjur se nëse në parti nuk ka analizë dhe diskutim, atëherë ajo mund të quhet një Parti Monokratike.

“Në KK u paraqitën dy propozime. Së pari, KK të bënte analizën e zgjedhjeve dhe gjendjes së partisë dhe rolit të saj në opozitën e dalë nga zgjedhjet e vitit 2017. KK nuk është mbledhur asnjëherë në katër vjet dhe do të ishte e arsyeshme që të shqyrtonte, madje ky është funksioni statutor i tij, punën e bërë. U votua: Nuk ka analizë!!! Së dyti u kërkua të hapej diskutim në parim për statutin, procedura normole e shqyrtimit. U votua, gjithashtu: Nuk ka diskutim!!!

Nëse nuk ka analizë dhe diskutim në organin më të lartë të partisë, atëherë çfarë mbetet përveç se drejtimit monokratik të partisë? Ky është modeli i opozitës sot dhe qeverisë nesër, model i cili duhet t’i kundërvihet regjimit autokratik të kryeministrit Rama? Kësisoj opozita nuk jep shpresë, nuk bind se nuk është e të njëjtit model si qeveria. Por z. Basha duket i vendosur ta çojë partinë nga humbja në humbje”,- shpreh Imami. /CNA.al





Lajmet e fundit nga