web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet statutore në PD/ Patozi: Statuti i kalçifikimit të pengmarrjes së PD. Ja 3 problemet

16 Prill 2018, 19:31, Aktualitet CNA

Ish-nënkryetari i Partisë Demokratike, njëherësh një nga kritikët më të ashpër të Lulzim Bashës, është i ftuar në studion e emisionit “Studio e hapur” të gazetares Eni Vasili, ku ka komentuar zhvillimet e fundit brenda partisë më të madhe opozitare në vend.

Ndërsa u ndal tek mbledhja e fundit e Kryesisë për ndryshimet statutore, tha: “Ai që unë pashë tek leximi i përciptë, nuk kishte asgjë të re, për të mos thënë se kishte një moment, kur sanksionet ndaj atyre që kishin një mendim alternativ apo dilnin kundër mendimit të partisë, ishin shumë më të forta se këto që kemi sot.”

Sipas tij, ky Statut që do të votohet në fund të muajit, është “Statuti i kalçifikimit të pengmarrjes së PD”.

Patozi u shpreh se ajo çfarë ka ndodhur në mbledhjen e Kryesisë, është thjeshtë “një përpjekje për të treguar se PD po bën refleksion, i cili realisht nuk po ndodh”.

Ish-nënkryetari i PD tha se ky Statuti i ri, “Nuk tregon nëse kryetari jep dorëheqje pas humbjes, nuk tregon se kush mban përgjegjësi, dhe nuk tregon se si zgjidhet dhe kryetari”.

Ndërsa shtori se nuk mund të pritet edhe tre vite për Lulzim Bashën, pasi edhe “Nëse statuti do të ishte më i miri, prapë se prap do të ishte një pritje edhe 3 vjet nëse Basha do e zbaton apo jo statutin dhe do të ishte një pritje pa asnjë garanci, siç bëri edhe me statutin e mëparshëm”. /CNA.al





Lajmet e fundit nga