web counter
LEXO PA REKLAMA!

SHKARKO APP

App Store
Google Play

E fundit!

x

Kuzhinieri personal i princeshë Dianës rrëfen faktet sekrete për familjen mbretërore

6 Prill 2018, 10:01, Lifestyle CNA

Si kuzhinier prej shumë vitesh pranë familjes mbretërore britanike, Darren McGrady ka qenë shumë pranë me princeshë Dianën brenda mureve të pallatit mbretëror.

Pas ndarjes së saj nga Princi Çarls, ajo kërkoi McGrady të ishte kuzhinieri personal për të dhe dy fëmijët e saj, një punë që ai e bëri deri në vdekjen e Dianës, në vitin 1997.

Në një intervistë të kohëve të fundit, McGrady zbuloi detaje interesante për princeshën e ndjerë, duke përfshirë shumë detaje rreth lumturisë së saj dhe fëmijëve.

Ajo i lejonte fëmijët të shikonin televizor gjatë darkës. McGrady e kujton familjen mbretërore si një familje normale, pa asnjë pretendim.

Ai thotë:

E dinim gjithmonë kur djemtë ishin në shtëpi pasi vinin rrotull kuzhinës duke luajtur me uniformat e tyre si ushtarë. Ndonjëherë hanin edhe para televizorit”.Ndërsa Diana mundohej të hante shëndetshëm, menytë e preferuar të fëmijëve përfshinin spageti dhe qofte, tortë, puding me banane, hamburgerë, pizza etj. Princi Harry e donte Disneylandin, ndaj Diana kërkonte që atij t’i jepej herë pas here proshutë e kuqe, e ngjashme me atë që shërbehej në Disneyland.

Shefi gjithashtu thotë se ambiciet e Princi Williami ishin të ndryshme. Kur ishte i vogël donte të bëhej një polic dhe të kishte motorin e tij. Sigurisht, duke qenë pasardhës i kurorës, ata kishin plane të ndryshme për të.

Diana nuk ishte ndonjë kuzhiniere shumë e mirë. Madje, siç kujton shefi, në një rast ajo gati sa nuk dogji shtëpinë teksa po pregatiste makarona.

Darren McGrady kujton:

Mirësia dhe bujaria e saj ishin jashtëzakonisht të sinqerta. Ishte gjithmonë e interesuar në atë që po ndodhte prapa dyerve të kuzhinës, çfarë bënte gruaja ime, si ishim ne. Gjithmonë i mbante mend ditëlindjen. Princesha një herë më kërkoi të shkoj në dyqanin Harrods për të blerë 50 batanije për nevojtarët.Princesha donte të kishte një vajzë. Po të ishte gjallë, do ta përqafonte çdo ditë Charlottën e vogël. Do kishte qenë gjyshja më e mirë që fëmijët do të mund të kishin ndonjëherë”./CNA





Lajmet e fundit nga