E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Deputetja e PD-së sulmon Ramën: U hoqe bukën e gojës 6200 familjeve dibrane

25 Mars 2018, 14:17, Aktualitet CNA

Deputetja e Partisë Demokratike për Dibrën, Dhurata Çupi, ka vijuar sulmet ndaj kryeministrit Edi Rama dhe qeverisë së tij lidhur me varfërinë dhe gjendjen e mjerueshme të zonës së saj elektorale.

Nëpërmjet një postimi në rrjetet sociale, Çupi shprehet se, “Ora e zhvillimit dhe investimeve në qarkun e Dibrës ka mbetur në vend numëro prej disa vitesh.
Teksa sheh varfërinë që rritet përditë e më shumë në këto zona nuk mund mos mendosh që kjo është vecse një dashakeqësi dhe urrejtje e kësaj qeverie për këta banorë të lënë në harresë.
Prej 5 vitesh kur erdhi në pushtet kjo qeveri asnjë investim apo projekt nuk është bërë për zhvillimin e Dibrës.
Ka një projekt në letër në tryezën e Ramës,ai i rrugës së Arbërit, që me sa duket i shërben si sfond vetëkënaqësie por asnjë hap më shumë.”

Sipas Dhurata Çupit, “Investimet në infrastrukturë në vend numëro,mjafton të shohim si është katandisur aksi Burrel Klos që është bërë i pakalueshëm, e që kufizon ndjeshëm edhe lidhjen me kryeqytetin.
Kjo rrugë është pasqyra më e vërtetë e situatës ku kanë përfunduar Dibranët me vetëdijen e plotë të qeverisë.
Mungesa e investimeve e projekteve që krijon hapësira për punësim ka rritur ndjeshëm papunësinë duke e cuar mbi 40 %, e ndërsa kësaj panorame i shtohet një tjetër mëkat.”

Deputetja demokrate shprehet se vetëm në zonën e saj u është hequr ndihma ekonomike 6200 familjeve, të cilëve Rama u ka premtuar punë, por deri më tani sipas saj nuk ka asgjë konkrete.

“Vetëm në këtë zonë u është hequr ndihma ekonomike 6200 familjeve, për të cilat Rama propagandon se duhet të punësohen. Po ku?? Asnje vend pune , asnje projekt e asgjë tjetër që vlen nuk e lidh këtë zonë me punësimin.

Kur mungojnë elementët jetikë është e pamundur të flasim për turizëm apo projekte “imazhi”. Duke e kthyer këtë zonë në të pamundur për jetesë e ku të rinjtë e të rejat por edhe familje të tëra i kanë drejtuar sytë e shpresës drejt perëndimit duke u larguar masivisht.
Edhe ata që e kanë të pamundur këtë iniciativë “pa busull” e që janë detyruar të jetojnë në skamjen e tyre deshperuese ku alkooli apo duhani duket te jene shoqwruesit me te mire dhe se historite familjare fundin e kanë më të hidhur se vetë varfëria.”, – shkruan deputetja demokrate.

Në përmbyllje të reagimit të saj, Çupi shprehet: “Një panoramë e tillë dhemb dhe vret shpresën është një plan i detajuar qëllimisht për ta mbajtur një popull sa më të varfër e për pasojë të nënshtruar e për ta blerë më pas lehtësisht me një thes miell.
Migjeni e ka thënë: kafshatë që s’kapërdihet asht or vlla mjerimi” por e ka thënë për rreth një shekull më parë jo për Shqipërinë e 2018 që Rilindi mjerimin.
Kjo qeveri duhet ta dijë mirë se kjo kafshatë do ti mbetet në grykë se kur drejtesia dhe barazia nuk te jepen ato duhet ti marresh.” /CNA.al