Dëbimi i diplomatëve iranianë/ “Patate” e nxehtë për ministrin Bushati – CNA
Connect with us

Opinione

Dëbimi i diplomatëve iranianë/ “Patate” e nxehtë për ministrin Bushati

Publikuar

-

Një organizatë që lufton për rrëzimin e formës së tanishme të qeverisjes në Iran e quajtur (NCRI-Këshilli Kombëtar i Rezistëncës Iraniane) i ka bërë publikisht thirrje qeverisë shqiptare të dëbojë nga Shqipëria 2 diplomatë iranianë të akredituar në Tiranë. NCRI kërkon nga qeveria shqiptare të dëbojë sekretarin e parë të Ambasadës Iraniane në Tiranë Mostafa Roodaki dhe atasheun kulturor Seyed Ahmad Hossini Alast. Kjo kërkesë bëhet e mbështetur në Rezolutën e BE-së të prillit 1997 për dëbimin e spiunëve iranianë, të akredituar nën petkun e diplomatit.

Për NCRI dy diplomatët janë thjeshtë spiunë të shërbimit sekret iranian të quajtur VAJA. Pavarësisht se NCRI gabon në funksionet, që i atribuon njerit prej personave të lartpërmendur, kjo thirrje është tejet problematike për qeverinë shqiptare vecanërisht ministrant Bushati dhe Xhafa, i cili sipas ligjit shqiptar është autoriteti, që shpall persona non grata një diplomat të huaj të akredituar në Tiranë. Theksojmë se sipas Listës Diplomatike zyrtare të Minsitrisë për Europën dhe Punët e Jashtme sekretar i parë në Ambasadën Iraniane në Tiranë është z. Fereeydon Zandi.

Një thirrje e një organizate të arratisurish iranianë në pamje të parë mund të mos merret seriozisht nga autoritetet shqiptare, por kur kjo organizatë ka “tutorë” me peshë në arenën ndërkombëtare, një thirrje e tillë mund të rezultojë tepër problematike!

Naim Frashëri dhe prof. Rexhep Mejdani

Në datat 5-6 mars në Universitetin Modares u mbajt një simpozium shkencor për veprën e poetit tonë kombëtar Naim Frashëri. Në këtë simpozium krahas autoriteteve shkencore nga Republika e Kosovës, FYROM apo Bosnja mernin pjesë edhe personalitetet të shquara shqiptare si Dr. Prof. Rexhep Mejdani ish President i Republikës së Shqipërisë, Akademike Floresha Dado, Dr. Arian Leka pedagog në Akademinë e Arteve etj. NCRI pretendon se instrumenta të shërbimit seKret Iranian VAJA si Qendra Habilian apo Didenbah e përdorën këtë simpozium për t’u bërë propagandë VIP-ave shqiptarë kundra Muxhahedinëve të organizatës MEK, që janë strehuar në Kampin Ashraf 3 në Manzë afër Durrësit.

Në këtë kontekst mbetet për të parë sesi do reagojnë minsitrat Bushati dhe Xhafa pas kësaj kërkese për dëbim diplomatësh iranianë si edhe ndaj kërkesës së Shoqatës Nejat, që i apeloi autoriteteve shqiptare, që të pajisin me viza dhe t’u mundësojnë familjarëve të Muxhahedinëve MEK të Manzës, që të vinë nga Irani në Shqipëri dhe të takohen me të dashurit e tyre të strehuar në Manzë.

Situata bëhet më problematike edhe për shkak të armiqësisë personale të kryeministrit Rama me ish presidentin Mejdani. Kujtojmë këtu talljen publike, që Rama i bëri Mejdanit, kur e vuri të bëhej “qatip”-skrib i programit te PS-së dhe më pas e hodhi në kosh këtë program bashkë me Mejdanin, apo kur ndër veprimet e para, që ndërmorri drejtoresha e doganave Spiropali, “protégé” e Ramës ishte pushimi nga puna I të birit të  ish presidentit Mejdani, apo edhe sulmet tejet të pamoralshme të ndërmarra nga shpura e Ramës kundra bashkëshortes së ish presidentit Mejdani. Mbetet për të parë,  sesi dy ministrat e Ramës do ta trajtojnë “pataten” e nxehtë iraniane.

Për të bërë pak humor në shkrimin tonë mund të konfirmojmë pa frikë se ish kryeministri Pandeli Majko do të hajë akullore në Pasticerinë “Gelato Lab” në Qendrën Tregtare “Golestan” në Teheran, pasi muxhahedinët e MEk-ut të clirojnë Iranin dhe të vinë në pushtet, ndërsa ish presidenti Rexhep Mejdani do pijë kafe në  Kafenenë “Lamiz” në Sheshin “Tajrish” të Teheranit, pasi qeveria aktuale e Iranit t’i shpartallojë në fushën e mejdanit muxhahedinët e Manzës. Mburren anglezët me humorin e tyre, por gjithsesi humori anglez është tejet inferior krahasuar me humorin e politikanëve të së majtës shqiptare!!!!! /GJERGJ THANASI /CNA.al

Aktualitet

Vëllezër hipokritë, le ta fshijmë 21 Janarin

Publikuar

-

By

21 janar 2011 kater te vrare

Nga Pëllumb Kulla
-Ka numra të mallkuar, numra fatprerë, numra ters.
Njëri sish ësht numri 13… Në shumë ngrehina dhe hotele kati i trembëdhjetë nuk ekziston. Është aty, përmbi të dymbëdhjetin, por ai quhet i katërmbëdhjetë. Kjo gjë vihet re në shumë vende të botës.
Në Shqipëri është një datë e zezë, një datë turpi, një datë hipokrizie… Është një datë që nuk duhet të zihet në gojë. Ajo ose duhet ngjyer e zezë nëpër kalendarë, ose duhet fshirë.
Kjo datë është 21 janari.
Shqiptarët pas njëzetës duhet të kalojnë më njëzetedy janar. Ngaqë në atë ditë katër vetë janë vrarë me duar në xhepa.
Atë ditë një urdhër, ca ushtarë të armatosur, ca grykëzinj pushtetesh, kanë vrarë katër njerëz që mbanin duart paqësisht në xhepa. Qindra mijëra njerëz të këtij vendi kanë miratuar e, bile, kanë soditur me kënaqësi përpara ekranëve vrasjen e katër qënieve të urta dhe të pafajshme.
21 janari shqiptar duhet të mbetet i urryer në jetë të jetëve!.
Është i teti vit radhazi, që unë shkruaj për këtë ditë të zezë dhe dua të nënvizoj se asnjëri prej atyre të vrarëve nuk është farefisi im, por sejcili prej tyre më dhemb si të ishin vëllezërit e mij. E nuk do të më dhembnin po të qe se dikush nuk do të kish urdhëruar që ata të rronin deri atë 21 janar.
Në këtë vend janë vrarë me mijëra e mijëra të pafajshëm, janë, zhdukur, mbytur e varur padrejtësisht, mijëra e mijëra njerëz të urtë, gojë-ëmbël dhe që nuk patën shtypur një mizë.
Diktaturat dhe regjimet gjakatare i kanë marrë përsipër ato mëkate.
Por të vrarët e 21 janarit janë vrarë në një qiell që u duk i kthjelltë, në një kohë të deklaruar si demokraci, në një shtet të shpallur me ligje. Ata i vrau dhe po i mban të vrarë e të nëpërkëmbur një shoqëri njerëzore, më hipokritja e tëra kohëve dhe e tërë shekujve.
Asnjë nuk është dënuar për atë urdhër, për ata plumba, për ato dredhime, për ato premtime. Asnjë prijës i këtij vendi nuk ka kërkuar gjyq, asnjë gjykatës nuk është marrë me atë gjykim e në tetë vjet nuk është dhënë një verdikt qoftë edhe i padrejtë pēr atë faj madhor.
Sot e tetë vjet 21 janari trajtohet si tërë ditët e motit, por s’meriton të jetë e tillë.
Turp, turp, turp! Turp e mallkim në jetë të jetëve!
Politikanë, qeveritarë e vëllezër hipokritë, qofshim të mallkuar në jetë të jetëve!

LEXO TE PLOTE

Aktualitet

Retë e zeza që po grumbullohen mbi sistemin financiar

Publikuar

-

By

Klodian tomorri per sistemin financiar

Nga Klodian Tomorri

-Që nga vitet 2000’ sistemi financiar ka qenë pa diskutim një nga asetet më të çmuara të ekonomisë shqiptare. Programi i suksesshëm i privatizimit të ish bankave shtetërore tek grupet e njohura bankare me origjinë nga vendet e Bashkimit Europian e nxorri sistemin nga kontrolli i qeverisë, eliminoi tërësisht konfliktin e interesit, por mbi të gjitha riktheu besimin e publikut tek sistemi financiar, vetëm pak vite nga kriza e rëndë e firmave piramidale.

Këto zhvillime hapën një epokë të re në ekonominë shqiptare. Brenda pak vitesh, kredia për ekonominë u pesëfishua në raport me Prodhimin Kombëtar nga 8 për qind e PBB-së, që ishte në 40 për qind e PBB-së, ndërsa kreditë e këqija të trashëguara nga bankat shtetërore thuajse u eliminuan tërësisht.

Por veç përdorimin efiçent të kursimeve familjare në financimin e ekonomisë dhe rritjen e mirëqënies, prania e emrave të njohur të bankigut europian solli dhe një tjetër dividend të madh për ekonominë shqiptare; rritjen e besueshmërisë së saj në sytë e investitorëve të huaj. Jo rastësisht, investimet më të rëndësishme të huaja në ekonominë shqiptare, nisën të vinin menjëherë pas konsolidimit të sistemit financiar.

Por ky cikël pozitiv tashmë ka filluar të përmbyset. Në 5 vitet e fundit arkitektura e sistemit bankar ka pësuar ndryshime rrënjësore. Për shkak të krizës financiare të vitit 2008, shumë nga grupet e njohura bankare të Europës janë larguar nga

Shqipëria duke lënë pas një realitet të ri, i cili e ka ekspozuar sistemin përballë konfliktit të interesit dhe riskut moral.

Shqipëria është sot një nga vendet e vetme në botë, që ka banka me prejardhje nga parajsat fiskale, e madje shumë shpejt do të jetë ndër të paktat vende ku konglomeratet e biznesit bëhen pronarë bankash. Ky është një koktejl toksik risqesh, që mund të materializojë pasoja të rënda për ekonominë.

Prania e kapitaleve offshore në sistemin bankar cënon transparencën dhe e bën atë më vulnerabël ndaj pastrimit të parave apo financimit të terrorizmit. Nga ana tjetër, blerja e bankave nga korporatat jo financiare vendase përbën një konflikt të drejtëpërdrejtë interesi. Veç cënimit të konkurrencës në treg, lidhja direkte biznes-bankë mund të inkurajojë riskun moral, duke kanalizuar depozitat e qytetarëve tek bizneset e lidhura me bankat edhe kur ato nuk garantojnë kthimin e kredisë. Ky nuk është një risk hipotetik, por evident, që ka ndodhur edhe në vende të tjera.

Në vitin 2014, oligarkët e fuqishëm në Moldavi privatizuan bankën më të madhe shtetërore. Vetëm pak ditë pas blerjes së bankës, ata kanalizuan 1 miliardë euro depozita të qytetarëve si kredi për bizneset e tyre, përmes llogarive offshore. Për pasojë vendi u zhyt në një krizë të paprecedentë financiare, çka e detyroi qeverinë moldave të marrë 1 miliardë euro hua emergjente nga Fondi Monetar ndërkombëtar për të shpëtuar sistemin financiar nga falimenti. Paratë u morën nga oligarkët, por koston e paguan qytetarët e varfër të Moldavisë.

Bankat nuk janë një biznes i zakonshëm. Kur një kompani bën investime të gabuara, ajo humbet paratë e aksionerëve të saj. Por kur një bankë bën investime të gabuara, atë që humbasin nuk janë kapitalet e pronarëve, por depozitat e qytetarëve.

Është kjo arsyeja se pse bankat mbikqyren dhe operojne në një kuadër ligjor të rregulluar fort, i cili nuk pajtohet as me banka offshore as me konfliktet evidente të interesit. Është kjo arsyeja se pse prej dy vitesh Fondi Monetar Ndërkombëtar i ka bërë disa herë thirrje qeverisë dhe Bankës së Shqipërisë që të licencojnë vetëm bankat që përmbushin kriteret ligjore, zotërojnë eksperiencën e nevojshme bankare dhe përjashtojnë konfliktin e interesit. Por fatkeqesisht vija e pare e mbrojtjes se sistemit tashme ka rene.

LEXO TE PLOTE

Aktualitet

Pyetja 1 milionëshe për Lulzim Bashën!

Publikuar

-

By

Lulzim basha kryetari i PD reagon

Nga Eduard Zaloshnja

Gjatë tetë vjetëve që Berisha ishte kryeministër, Edi Rama provoi me të gjitha mënyrat t’ia zinte vendin, nga më gandistët tek më jakobinët. Në katër vjetët e para, ai anoi nga gandizmi. Për shembull, pasi shpërtheu Gërdeci, Rama i shtrëngoi dorën Berishës në dyert e Spitalit Ushtarak, ku ishin sjellë të plagosurit e shumtë të asaj tragjedie. Dhe ambasadori amerikan e quajti burrë shteti për atë gjest, meqë Shqipëria ishte në prag të anëtarësimit në NATO. Një opozitë agresive në ato çaste mund ta kishte penguar atë anëtarësim.

Pas Gërdecit, Rama bëri edhe një marrëveshje të rëndësishme me Berishën, për ndryshimin e sistemit zgjedhor dhe të Kushtetutës, me bindjen se do t’i fitonte zgjedhjet, duke mënjanuar njëkohësisht LSI-në nga pretendimet për pushtet. Por në zgjedhjet e 2009-ës, Rama as e mori dot pushtetin dhe as e mënjanoi dot LSI-në prej tij. Kjo e fundit u bashkua me PD-në në pushtet, duke u bërë nga dita në ditë më e fuqishme.

I djegur nga ajo strategji, Rama filloi protestat e përjavshme. Madje ai ngriti dhe një çadër para Kryeministrisë, ku u ngujuan për 40 ditë deputetë dhe militantë të PS-së. Kjo strategji jakobine kulmoi me 21 janarin e 2011-ës, ku duke iu referuar revolucionit francez dhe atij amerikan, u aludua se populli i përgjigjet tiranisë me revoltë, kur i mohohet e drejta ta ndryshojë pushtetin me votë të lirë (pretendimi i Ramës ishte se zgjedhjet i kishte fituar në realitet, por kjo e vërtetë ishte fshehur në kutitë e votimit, që nuk i hapte Berisha).

Pavarësisht përpjekjeve jakobine, Rama u detyrua të futej në zgjedhjet e 2011-ës, ku humbi edhe zgjedhjet e Tiranës (me disa vota fantazëm të gjetura në bodrumin e KQZ-së). Dhe përsëri ai iu rikthye metodave jakobine, me bllokime rrugësh, me djegie gomash makinash dhe me protesta në bulevard.

Po kur e pa që nuk merrej dot pushteti me metoda të tilla, mendoi sesi të grumbullonte rreth PS-së një koalicion me epërsi të padiskutueshme ndaj atij të Berishës. Dhe nga llogaritë që bëri, i doli se një koalicion i tillë duhej të kishte patjetër në përbërje LSI-në. Dhe pasi lëpiu të gjitha pështymat e lëshuara ndaj Metës, bëri koalicion me të, duke ngrënë ngjala në Gjirin e Lalzit… Ajo lëvizje e papritur u përkthye në 1 milion vota për koalicionin e udhëhequr nga PS-ja.

Në mënyrë të ngjashme, në katër vjetët e para të qeverisjes së Ramës, Lulzim Basha provoi me të gjitha mënyrat t’ia zinte vendin, nga më gandistët tek më jakobinët. Në dy vjetët e para, Basha zhvilloi disa parakalime paqësore në bulevardin kryesor të Tiranës, me shpresën se do të jepte mesazhin se në krye të PD-së tani kishte ardhur një politikan me kostum perëndimor.

Po kur humbi zgjedhjet e 2015-ës, zëri i tij u trash dhe protestat në bulevard u bënë të ashpra. Dhe ato kulmuan me ngritjen e një çadre para Kryeministrisë (siç kishte bërë dikur Rama). Sipas Bashës, nuk mund të shkohej në zgjedhje, për sa kohë ishte kryeministër Rama. Por njësoj si Rama në 2011-ën, ai u detyrua të futej në zgjedhjet e 2017-ës, edhe pse Rama vazhdoi të mbetej kryeministër gjatë tyre. Madje, Basha bëri edhe një marrëveshje me Ramën, që dukej penalizuese për partitë e vogla dhe sidomos LSI-në (siç dikur kishte bërë marrëveshje Rama me Berishën).

Pas një periudhe relativisht të qetë qysh prej humbjes së thellë të 2017-ës, Basha u është rikthyer përsëri thirrjeve jakobine. Duhet krijuar një qeveri kalimtare (pa Ramën në krye), që ta çojë vendin në zgjedhje të parakohshme, kjo është motoja aktuale e Bashës. Një moto e stërpërdorur nga opozitat në Shqipëri, por që ishte e suksesshme vetëm në vitet ’90 dhe që s’duket se do të jetë e suksesshme më.

Në qoftë se do t’i zërë vendin Ramës, Basha duhet të studiojë strategjinë e këtij të fundit për ardhjen në pushtet. Me pak fjalë, ai duhet ta vrasë mendjen s si të grumbullojë rreth PD-së një koalicion me epërsi të padiskutueshme ndaj atij të Ramës.

Partitë e djathta (të marra së bashku) kanë arritur deri në nivelin e 750 mijë votave në dekadën e fundit (më 2009-ën). LSI-ja ka arritur deri në nivelin e 260 mijë votave në të njëjtën dekadë (më 2015-ën). Në qoftë se këto parti do t’u rikthehen niveleve të tyre rekord, do të bënin së bashku 1 milion vota, aq sa iu deshën Ramës për t’i zënë vendin Berishës…

Dhe pyetja për Bashën është nëse do të jetë i zoti të koagulojë një koalicion të madh 1-milionësh. Sepse me thirrje e metoda jakobine, nuk ka gjasa të vijë ndonjëherë në pushtet…(AFP.al)

LEXO TE PLOTE
Reklama
Reklama
Reklama
Reklama
Reklama

LAJMET E FUNDIT

presidenti i shba, donald trump presidenti i shba, donald trump
Aktualitet16:26 - 21 Janar, 2019

Zgjedhjet e 2020 / Zbulohet kush do përballet me Trump

Demokratët amerikanë kanë bërë publike se cila do jetë kandidatura e tyre për zgjedhjet presidenciale 2020. Senatorja amerikane, Kamala Harris...

protesta para parlamentit grek protesta para parlamentit grek
Aktualitet15:14 - 21 Janar, 2019

Protesta e dhunshme në Athinë/ Plagosen dhjetra vetë

Protesta e dhunshme që u zhvillua ditën e djeshme në Athinë ka përfundura me dhjetëra të plagosur. Mediat e huaja...

Aktualitet12:25 - 21 Janar, 2019

Familja Jashari akuza Thaçit/ Serbia dhe Greqia ju pagoi për propagandë

Murat Jashari, vëllai i Ismetit – komandant “Kumanovës”, në vazhdimin e pyetjeve për Hashim Thaçi thotë se, ky ka krijuar...

Ish-presidenti i Kosoves, Ibrahim Rugova Ish-presidenti i Kosoves, Ibrahim Rugova
Aktualitet10:27 - 21 Janar, 2019

13-vjetori i vdekjes së Rugovës/ Kosova nderon ish-presidentin

Sot shënohet 13-vjetori i vdekjes së ish-presidentit të Kosovës Ibrahim Rugova. Në nderim të ish-presidentit, në Kosovë do të mbahen homazhe në varrin e tij...

Aktualitet10:19 - 21 Janar, 2019

Ish-këshilltari i Ramës kundër taksës ndaj Serbisë/ Pezullimi është i domosdoshëm

Analisti politik Shkëlzen Maliqi, ish-këshilltari i kryeministrit Rama, ka thënë se është e domosdoshme që të pezullohet taksa 100% e...

Aktualitet09:55 - 21 Janar, 2019

 “Kamerat”/ Mitro Çela rrëfen historinë e padëgjuar

 Nga Mitro Çela * Teknologjia ka ecur përpara. Në shumë dyer ka kamera. Por çdo e mirë e ka një...

protesta para parlamentit grek protesta para parlamentit grek
Aktualitet14:01 - 20 Janar, 2019

“Marrëveshja e Prespës”/ Greqia përfshihet në protestë masive

Me mijëra qytetarë grekë janë duke protestuar përpara Parlamentit në Athinë. Kjo protestë është iniciuar nga “Marrëveshja e Prespës”. Me...

el chapo dashnore grua el chapo dashnore grua
Aktualitet11:43 - 20 Janar, 2019

“Kishim marrëdhënie miks”, gruaja e lordit të drogës dëgjon rrëfimin e dashnores në sallën e gjyqit

Që gruaja dhe dashnorja të përballen në gjykatë, duket si një skenë filmash apo telenovelash, por në rastin e lordit...

zjarrr ne nje resort turistik zjarrr ne nje resort turistik
Aktualitet10:11 - 20 Janar, 2019

Merr flakë resorti turistik/ Ndërrojnë jetë dy persona plagosen disa të tjerë

Një zjarr i madh ka rënë në një resort skish në Courchevel, në Alpet e Francës. Mediat ndërkombëtare raportojnë se...

presidenti i shba donald trump presidenti i shba donald trump
Aktualitet09:18 - 20 Janar, 2019

Dy vite Donald Trump/ Dy vite shokim për miqtë e SHBA

Më 20 Janar Donald Trump mbush dy vite në postin e presidentit – Në dy vitet e mandatit ai ka...

presidenti serb aleksander vucic presidenti serb aleksander vucic
Aktualitet09:09 - 20 Janar, 2019

“Vuçiç largohu”/ Protesta masive në Beograd

Me mijëra qytetarë serbë protestuan në rrugët e Beogradit kundër sundimit autokratik të presidentit të tyre Aleksandër Vuçiç. Kjo protestë...

vendosja e gjuhes shqipe ne maqedoni vendosja e gjuhes shqipe ne maqedoni
Aktualitet19:25 - 19 Janar, 2019

Vendosja e gjuhës shqipe/ Sfidat e institucioneve të Maqedonisë

Hyrja në fuqi e Ligjit për përdorimin e gjuhëve, qytetarëve shqiptarë të Maqedonisë u mundëson një komunikim të zgjeruar me...

protesta per mbrojtjen e teatrit protesta per mbrojtjen e teatrit
Aktualitet19:04 - 19 Janar, 2019

Protesta e Teatrit/ Ambientalisti thirrje për bashkim

Ambientalisti Sazan Guri ka marrë pjesë mbrëmjen e sotme te portesta që zhvillohet për mbrojtjen e Teatrit. Ai u ka...

presidenti i shba donald trump, udheheqesi i korese se veriut kim jong un presidenti i shba donald trump, udheheqesi i korese se veriut kim jong un
Aktualitet17:19 - 19 Janar, 2019

Çarmatimi bërthamor/ Trump takohet me Kim Jong Un

Presidenti i SHBA-ve, Donald Trump dhe udhëheqësi i Koresë së Veriut, Kim Jong Un do të takohen do të takohen...

mbytet gomonia me emigrante ne detin mesdhe mbytet gomonia me emigrante ne detin mesdhe
Aktualitet15:09 - 19 Janar, 2019

Tragjike/ Mbytet gomonia me 117 emigrantë

Një tragjedi tjetër ka ndodhur në Detin Mesdhe. Një gomone me rreth 117 emigrantë është mbytur dhe si pasojë të...

Aktualitet15:09 - 19 Janar, 2019

Shpërthim në Meksikë/ 20 të vdekur, 71 të plagosur

Një ngarje e rëndë ka tronditur Meksikën, ku pas një shpërthimi të një gypi karburantësh, 20 persona kanë mbetur të...

Aktualitet18:20 - 17 Janar, 2019

Vizita e Putin në Serbi/ Tregon dy gabimet e Kosovës

Presidenti rus, Vladimir Putin i cili po zhvillon një vizitë zyrtare në Serbi. Nga konferenca me homologun e tij serb...

Aktualitet16:11 - 17 Janar, 2019

Kaos në Universitetin e Durrësit/ Pedagogët bashkohen me studentët

Pedagogët e Universitetit “Aleksandër Moisiu” në Durrës kanë firmosur një peticion për të mbështetur protestën e studentëve. Ndërsa, studentët prej...

presidenti rus vladimir putin presidenti rus vladimir putin
Aktualitet15:58 - 17 Janar, 2019

Putin në Serbi/ Reagojnë Oganizatat joqeveritare

Organizatat joqeveritare në Serbi kanë thënë sot se modeli i pushtetit autoritar që përdor presidenti rus, Vladimir Putin nuk duhet...

Aktualitet11:40 - 17 Janar, 2019

Në kujtim të aktorit korçar Jani Riza

Kujtojme sot 73 vjetorin e lindjes se aktorit te mirenjohur Korcar Jani Riza qe per fat te keq eshte ndare...

Aktualitet08:53 - 17 Janar, 2019

Putin sot në Beograd/ Mitrovica “pushtohet” nga flamujt dhe shkrimet ruse

Në ditën kur presidenti rus Vladimir Putin pritet të vizitojë Beogradin, në veri të Mitrovicës janë vendosur gjithandej flamuj të...

kryeministrja e anglise, theresa may, ne deklarate kryeministrja e anglise, theresa may, ne deklarate
Aktualitet20:37 - 16 Janar, 2019

Brexit/ Theresa May fiton në mocionin e mosbesimit

Parlamenti britanik nuk e ka miratuar mocionin e mosbesimit ndaj qeverisë së Theresa May. Pas votimit, kryeministrja Theresa May tha...

stema e ushtrise clirimtare te kosoves stema e ushtrise clirimtare te kosoves
Aktualitet18:44 - 16 Janar, 2019

Krimet e luftës/ Komandanti i UÇK-së përpara Gjykatës Speciale

Ish-komandanti i Ushtrisë Çlirimtare të Kosovës, Sami Lushtaku ka përfunduar ditën e sotme intervistimin nga Prokuroria Speciale e Hagës. Pas...

ministri i jashtem rus, sergey lavrov, ne nje konferece per mediat ministri i jashtem rus, sergey lavrov, ne nje konferece per mediat
Aktualitet15:58 - 16 Janar, 2019

Ndryshimi i emrit të Maqedonisë/ Zbulohet qëndrimi i Rusisë

Rusia ka ngritur një pikëpyetje në lidhje me marrëveshjen e ndryshimit të emrit të Maqedonisë. Ministri i Jashtëm i Rusisë,...

ish-komandanti thirret nga gjykata speciale ish-komandanti thirret nga gjykata speciale
Aktualitet15:41 - 16 Janar, 2019

Akuza për krime lufte/ Ish-komandanti në Gjykatën Speciale

Komandanti i Brigadës 124 të Rahovecit, Ismet Tara, i njohur si “komandant Hoxha”, është  thirrur nga Gjykata Speciale. Tara është...

voa, zeri i amerikes ne shqip voa, zeri i amerikes ne shqip
Aktualitet10:58 - 15 Janar, 2019

E quajti kazan/ “Zëri i Amerikës” i përgjigjet Ramës

Media amerikane më e madhe dhe më jetëgjatë, në Shqipëri, “Zëri i Amerikës” mbushi  sot 75-vjet transmetim. Ditën e djeshmje...

masakra ku u vrane 45 vete ne recak masakra ku u vrane 45 vete ne recak
Aktualitet10:47 - 15 Janar, 2019

Masakra e Reçakut/ Ende nuk ka drejtësi

20-vjet kanë kaluar nga masakra në Reçak të Shtimës në Kosovë dhe asnjë shenjë nuk ka që të bëjë lidhjen...

Aktualitet13:54 - 13 Janar, 2019

Foto/ Zgjidhet ministri i ri i Mbrojtjes në Greqi

Është zgjedhur personi i cili do të drejtojë Ministrinë e Mbrojtjes në Greqi. Menjëherë pas dorëheqjes së Panos Kammenos nga...

Trending

Read previous post:
Kryeministrja serbe: BE-ja nuk mund ta shantazhojë Serbinë për Kosovën

Kryeministrja serbe, Ana Bërnabiq shpreson që Bashkimi Evropian do ta ketë parasysh fleksibilitetin dhe performancën e Serbisë për zgjidhjen e...

Close