Dëbimi i diplomatëve iranianë/ “Patate” e nxehtë për ministrin Bushati – CNA
Connect with us

Opinione

Dëbimi i diplomatëve iranianë/ “Patate” e nxehtë për ministrin Bushati

Publikuar

-

Një organizatë që lufton për rrëzimin e formës së tanishme të qeverisjes në Iran e quajtur (NCRI-Këshilli Kombëtar i Rezistëncës Iraniane) i ka bërë publikisht thirrje qeverisë shqiptare të dëbojë nga Shqipëria 2 diplomatë iranianë të akredituar në Tiranë. NCRI kërkon nga qeveria shqiptare të dëbojë sekretarin e parë të Ambasadës Iraniane në Tiranë Mostafa Roodaki dhe atasheun kulturor Seyed Ahmad Hossini Alast. Kjo kërkesë bëhet e mbështetur në Rezolutën e BE-së të prillit 1997 për dëbimin e spiunëve iranianë, të akredituar nën petkun e diplomatit.

Për NCRI dy diplomatët janë thjeshtë spiunë të shërbimit sekret iranian të quajtur VAJA. Pavarësisht se NCRI gabon në funksionet, që i atribuon njerit prej personave të lartpërmendur, kjo thirrje është tejet problematike për qeverinë shqiptare vecanërisht ministrant Bushati dhe Xhafa, i cili sipas ligjit shqiptar është autoriteti, që shpall persona non grata një diplomat të huaj të akredituar në Tiranë. Theksojmë se sipas Listës Diplomatike zyrtare të Minsitrisë për Europën dhe Punët e Jashtme sekretar i parë në Ambasadën Iraniane në Tiranë është z. Fereeydon Zandi.

Një thirrje e një organizate të arratisurish iranianë në pamje të parë mund të mos merret seriozisht nga autoritetet shqiptare, por kur kjo organizatë ka “tutorë” me peshë në arenën ndërkombëtare, një thirrje e tillë mund të rezultojë tepër problematike!

Naim Frashëri dhe prof. Rexhep Mejdani

Në datat 5-6 mars në Universitetin Modares u mbajt një simpozium shkencor për veprën e poetit tonë kombëtar Naim Frashëri. Në këtë simpozium krahas autoriteteve shkencore nga Republika e Kosovës, FYROM apo Bosnja mernin pjesë edhe personalitetet të shquara shqiptare si Dr. Prof. Rexhep Mejdani ish President i Republikës së Shqipërisë, Akademike Floresha Dado, Dr. Arian Leka pedagog në Akademinë e Arteve etj. NCRI pretendon se instrumenta të shërbimit seKret Iranian VAJA si Qendra Habilian apo Didenbah e përdorën këtë simpozium për t’u bërë propagandë VIP-ave shqiptarë kundra Muxhahedinëve të organizatës MEK, që janë strehuar në Kampin Ashraf 3 në Manzë afër Durrësit.

Në këtë kontekst mbetet për të parë sesi do reagojnë minsitrat Bushati dhe Xhafa pas kësaj kërkese për dëbim diplomatësh iranianë si edhe ndaj kërkesës së Shoqatës Nejat, që i apeloi autoriteteve shqiptare, që të pajisin me viza dhe t’u mundësojnë familjarëve të Muxhahedinëve MEK të Manzës, që të vinë nga Irani në Shqipëri dhe të takohen me të dashurit e tyre të strehuar në Manzë.

Situata bëhet më problematike edhe për shkak të armiqësisë personale të kryeministrit Rama me ish presidentin Mejdani. Kujtojmë këtu talljen publike, që Rama i bëri Mejdanit, kur e vuri të bëhej “qatip”-skrib i programit te PS-së dhe më pas e hodhi në kosh këtë program bashkë me Mejdanin, apo kur ndër veprimet e para, që ndërmorri drejtoresha e doganave Spiropali, “protégé” e Ramës ishte pushimi nga puna I të birit të  ish presidentit Mejdani, apo edhe sulmet tejet të pamoralshme të ndërmarra nga shpura e Ramës kundra bashkëshortes së ish presidentit Mejdani. Mbetet për të parë,  sesi dy ministrat e Ramës do ta trajtojnë “pataten” e nxehtë iraniane.

Për të bërë pak humor në shkrimin tonë mund të konfirmojmë pa frikë se ish kryeministri Pandeli Majko do të hajë akullore në Pasticerinë “Gelato Lab” në Qendrën Tregtare “Golestan” në Teheran, pasi muxhahedinët e MEk-ut të clirojnë Iranin dhe të vinë në pushtet, ndërsa ish presidenti Rexhep Mejdani do pijë kafe në  Kafenenë “Lamiz” në Sheshin “Tajrish” të Teheranit, pasi qeveria aktuale e Iranit t’i shpartallojë në fushën e mejdanit muxhahedinët e Manzës. Mburren anglezët me humorin e tyre, por gjithsesi humori anglez është tejet inferior krahasuar me humorin e politikanëve të së majtës shqiptare!!!!! /GJERGJ THANASI /CNA.al

Aktualitet

Nga Mero Baze/ Shpjegojani Lulzim Bashës ’97-ën, që ai lut!

Publikuar

-

By

opinion nga mero baze

Zakonisht serbët e kanë si filozofi, që ngrenë mite mbi dështimet e tyre. Nuk di çfarë e ka gjetur PD-në, që kërkon të mitizojë dështimet dhe zbythjet e saj si suksese, dhe të kërcënojë me këto, shqiptarët.

Dy javë para zgjedhjeve të 30 Qershorit, gara e opozitës është kë të trembë më shumë me vitin 1997. Të gjitha kërcënimet me dhunë, Partia Demokratike i mbështet duke tentuar të ngrejë mitin e vitit ‘97, apo trazirat e vitit ‘98, si një triumf i PD.

Dikush duhet t’ia shpjegojë Lulzim Bashës, se trazirat e vitit ‘97 nuk janë një model për t’u zënë në gojë nga Partia Demokratike, pasi janë trazira që u prodhuan kundër Partisë Demokratike. Ndoshta Lulzim Basha nuk e di se ka qenë emigrant dhe ndoshta ka dëgjuar në familjen e të vjehrrit, që janë lavdëruar “Komitetet e Shpëtimit”, por ato ishin stuktura të dështuara në emër të qytetarëve, që as ndalën dhunën dhe as e shtuan atë, por thjeshtë u përdorën nga të dy palët.

Prandaj kur përmend vitin 1997 si “gogol” për të trembur socialistët, dhe kur paralajmëron se do ngrejë “Komitete Shpëtimi”, në fakt ai trimëron socialistët, pasi më 1997, ajo që u shpartallua nuk ishte PS, por PD, dhe jo aq nga dhuna e rrugës, se sa nga rruga e dhunshme me të cilën tentoi të mbajë pushtetin.

Fitorja e vetme e PD më 1997, ishte gëzimi i përkohshëm i një grupi brenda PD, kryesisht Genc Pollos dhe Tritan Shehut, dhe disa ish ministrave, që Berisha po ikte, por dhe ai gëzim zgjati pak, pasi ai u mori partinë dhe i zboi dhe nuk ka ikur ende andej, edhe pse ata u kthyen si “qen të rrahur” në PD.

Edhe kur u referohen trazirave të vitit ‘98, duhet ta kenë të qartë, se ato nuk i shërbyen për asgjë PD-së, përveçse një izolimi të egër ndërkombëtar që e bëri Berishën për vite të tëra, të fliste me vete në zyrë i vetmuar.

Ndaj nuk është mirë që të merren si simbole shprese, ngjarje që janë në thelb dështime të rënda të PD, nga të cilat ajo duhet të nxjerrë mësime.

Nëse e bën Luli nga padija që ka për atë kohë, apo nga fakti që jeton me njerëzit e gruas dhe ata ishin enveristë atëhere, kjo është tjetër gjë. Por nëse mendon vërtet se më ‘97 apo ‘98, Partia Demokratike ia ka dalë përmes dhunës, atëhere qenka duke e rigroposur PD-në.

Problemi që Basha ka në vitin 2019, rreth dy dekada më pas, është se ka një PD shumë më të dobët, shumë më pak idealiste dhe politike se ajo e dy dekadave më parë, ku në çdo rreth kishte bërthama militantësh. Sot Basha ka shkrirë praktikisht PD-në, në gjysmën e Shqipërisë dhe me një grup shetitës deputetësh, tenton të krijojë imazhin e një partie që mund të përdorë dhunën. Planet e saj për të sulmuar KZAZ-të me dhunë para se të fillojnë punë, apo krekosja se nuk do të lejojë qytetarët të votojnë, janë banalitete që shpejtojnë dështimin e skemës për të bllokuar zgjedhjet.

Ndaj merreni më qetë kërcënimin e tij për dhunë. E vetmja gjë që po bën Basha, është të mbulojë dramën e tij me një teatër dhune.

Nesër, ai duhet të jetë në prokurori, (nëse nuk merr raport), jo si dhunues, por si një person nën akuzë nga Shtetet e Bashkuara të Amerikës, si pastrues parash ruse. Dhe për këtë shpreson se do ta ndihmojnë shitja e përgjimeve të dosjes “339” që është bërë si thes me miell, që e shkundin sa herë kanë hall. Halli i tij real, është përballja me drejtësinë amerikane, dhe thirrjet e tij për dhunë, në fakt janë lutje për amnisti. Ai po përpiqet të eklipsojë me thirrjet për dhunë, pastrimin e parave ruse, për të cilat mund të dënohet rëndë në SHBA, por në fakt dhuna ndaj zgjedhjeve, vetëm sa do t’i shtojë një ndëshkim, që mund të jetë i përjetshëm, për të mos shkelur në SHBA.

Por mbi të gjitha të bëjë pak kujdes kur përdor krahasimet me vitin 1997, apo 1998. Partia Demokratike nuk meriton të shkatërrohet dhe një herë si në ato vite. Dhe mbi të gjitha nuk meriton të masakrohet më ashtu.

Edhe pse Basha këtë mund ta dijë fitore, dikush duhet t’ia shpjegojë, se ato ditë fëmijët e Doktorit, që më vonë u bënë fati i tij, ikën nga Shqipëria, Liria u fsheh, ndërsa Doktori rrinte me dritë fikur në zyrë. Tani, ajo që mund të ndodhë po të përsëritet, është që Doktori dhe Meta të mbyllen te vilat në Lalëz, Luli tek “Laguna Blu”, dhe populli të dalë në rrugë për të plaçkitur vilat e tyre. Nuk është se ka për të ndodhur, por i duhet shpjeguar Lulit, si mund ta përsërisim ’97-tën, dy dekada më vonë. Atëhere kishte politikanë që mendonin se po shpëtonin Shqipërinë, tani se si të shpëtojnë pasurinë. Kurse Lulzim Basha, si të shpëtojë dhe lirinë e tij.

LEXO TE PLOTE

Aktualitet

Nga Lorenc Vangjeli/ Tre keqkuptimet fatale me dekretin dhe kur Doctor Jekyll vret Mister Hyde

Publikuar

-

By

Herët a vonë dhe më shumë herët sesa vonë, përplasja e Ilir Metës dhe Edi Ramës do të ndodhte patjetër. Historia e një marrëdhënieje të komplikuar mes tyre, dashuri dhe urrejtje me interes në mes, dëshmonte se ishte thjesht çështje kohe kur ata të dy të kryqëzonin rrugët dhe shpatat. Stina e bashkëjetesës me “presidentin më të mirë që kishte pasur ndonjëherë Shqipëria”, siç thoshte Rama fiks një vit më parë, përfundoi për t’i dhënë jetë një cikli të ri krize mes dy personazheve që e shohin reciprokisht njëri-tjetrin si Doctor Jekyll dhe Mister Hyde. Dy koka të së njëjtës shqiponjë që bëhet me duar në gjokse që së fundmi, e bëri dhe Meta në presidencë.

Dekreti për anulimin e datës së zgjedhjeve mbi dekretin për caktimin e datës së zgjedhjeve, është vetëm një betejë më shumë, por pa luftë finale. Kjo betejë e radhës është shoqëruar menjëherë me së paku tre keqkuptime serioze të të gjitha palëve, të cilat ridimensionuan krizën që është jo vetëm institucionale, por edhe njerëzore.

Keqkuptimi i parë ndodhi me opozitën.

Të shtunën e shkuar, kur u njoftua “pak minuta” përpara protestës së do të shtyhej 30 qershori, Basha, Kryemadhi dhe gjithë turma e ngazëllyer brohoriti: fitore, fitore! Në fakt opozitës ju afrua mundësia për të marrë diçka nga e cila kishte hequr dorë vetë. Duke mos u regjistruar në zgjedhje sipas të drejtës kushtetuese që jua garanton këtë të drejtë, partitë e opozitës gjetën një rast për t’u rikualifikuar në afat për të marrë pjesë në zgjedhje. Ato kishin dështuar ta mundnin Ramën e vënë shumë nën presion me protesta dhe panë t’ju vijë mundësia të prisnin biletën e munguar për negociatë nëpërmjet Presidentit të Republikës. Atë biletë që nuk e morën dot me imponim nëpërmjet dhunës. Brohorima është naivitet dhe naiviteti është torturë kur kupton se e vetmja gjë që ndryshon është ngjirja nga brohorima sepse humnera është po aq e thellë sa më herët.

Keqkuptimi i dytë ndodhi me maxhorancën.

Edi Rama nuk u kap në befasi nga ky zhvillim. Ai ishte paralajmëruar për çfarë do të ngjiste nga vetë Meta ditë më parë. E megjithatë ai nuk e lëvizi spirancën e fushatës së tij nga 30 qershori. E kundërshtoi dekretin e tij në të kundërt me dobinë direkte që mund të fitonte prej kësaj dhurate që Meta ja bëri nga halli dhe jo nga malli. Nevoja politike e Edi Ramës nuk ka të bëjë me rikonfirmimin e partisë së tij në sa më shumë bashki – në zgjedhjet lokale nuk ka humbës – por me mundjen e opozitës nëpërmjet garës. Rama mund të vazhdonte të mallkonte hapin e gabuar kushtetues të presidentit, të niste edhe procedurat për shkarkimin e tij, por të shënjonte si alibi të tijën pikërisht atë dekret, për t’ju shmangur 30 qershorit. Ditës që i jep atë fitore të vetmuar dhe një ngjyrëshe që nuk i intereson atij vetë të parit.

Keqkuptimi i tretë është i vetë Presidentit të Republikës.

Demokracia është procedure!

Në demokraci, qëllimi nuk i justifikon kurrë mjetet!

Këto dy premisa do të mjaftonin për ta parë në një dritë krejt tjetër sfidën që Presidenti u bëri palëve duke qenë dhe vetëm palë në njërën anë të ekuacionit.
Presidenti zgjodhi procedurën e gabuar, ndërsa tentativa e tij për të shmangur përshkallëzimin e paparashikueshëm të konfliktit, qoftë dhe si një qëllim i mirë në vetvete, nuk mund të bëhej me mjetet që ai ka në dispozicion.

Presidenti duhej të zgjidhte një qasje krejt tjetër. Ta shihte si sakrificë personale aktin e tij politik. Të pranonte koston gjithashtu personale të këtij akti dhe ta paguante si një çmim që do të detyronte palët të negocionin. Kështu kishte paralajmëruar më shumë se njëherë kohë më pare kur përmendte se vinte në dispozicion të zgjidhjes së krizës mandatin e tij. Duke e prezantuar antidekretin e ri me arsye ngushtësisht politike, akti i tij nuk do të mund të qortohej nga pikpamja morale. Do të bënte të heshtnin edhe kritikët, por as nuk do të duartrokitej nga mbështetësit e tij. Në momentin që ai bëri të kundërtën, tentoi t’i japë mbështetje kushtetuese, u bë i cenueshëm nga dy palët. Edhe nga kritikët që i kërkojnë largimin si ndëshkim të kotë, edhe nga opozita që e dëmton edhe më shumë duke e konsideruar si një repart sulmi ndaj Edi Ramës.

Bashkëjetesa kryeministrit dhe presidentit, njëlloj si marrëdhënia mes Doctor Jekyll dhe Mister Hyde është interesante në thelb, por ka kosto edhe për njërin, edhe për tjetrin. Herët a vonë, ata përfundojnë duke vrarë dhe rilindur njëri-tjetrin, por loja e përbashkët e tyre, faturën kryesore ja transmeton publikut, që i do dhe urren të dy sipas rastit.

LEXO TE PLOTE

Aktualitet

11 fakte pse doktoresha dhe doktori nuk e lejojnë Metën të dekretojë një datë tjetër zgjedhjesh

Publikuar

-

By

nga kreshnik spahiu

Nga Kreshnik Spahiu

-Edi Rama gabohet kur e quan bukëshkalë Ilir Metën. Ai nuk i ka borxh socialistëve as që e zgjodhēn President, as që e votuan si Kryetar Parlamenti, as që e bënë kryeministër 29 vjeç.

Rama ende s’e ka idenë çfarë nderi është me të shpëtu Berisha nga burgu 4 herë, dhe që të vras për Metën 4 protestues në bulevard.

E mira harrohet, burgu jo.

Për çdo jurist, madje edhe ata  që mbrojnë me fanatizëm legjitimitetin e dekretit të Presidentit Meta, kanë mbetur ende pa argument dhe me interpretim shterues analiza “Pse Ilir Meta nuk dekreton datë tjetër zgjedhjesh”

Në këto kushte vëzhgimin tim ligjor po e ngre mbi disa deduksione politike dhe juridike:

– Nëse zbatohet dekreti Presidentit Meta do e lëm Shqipërinë pa zgjedhje lokale dhe pa votuar?

– Do vazhdoj Erion Velia, Vangjushi, Leli, Voltana, etj në detyrë pa afat si kryebashkiak përtej mandatit?

– Nëse PS do bojkotoj zgjedhjet parlamentare në 2021 do e shtyj Presidenti Meta datën dhe do i lëri socialistët pa limit në pushtet apo do vazhdoj zgjedhjet të bëhen vetëm nga opozita?

Ilir Meta i cili u kujdes për çdo detaj patriotik deri në përbetimin me shqiponjë para dekretit të firmosur nuk po jep dot asnjë argument kushtetues që pse ende heziton të caktoj një datë tjetër zgjedhjesh.

Duke qenë se Ilir Meta fshihet pas gishtave të shqiponjës, po rendisim arsyet pse ai s’po vepron si Bujar Nishani apo Alfred Moisiu që ndonëse i shtyn zgjedhjet në 2017 apo 2003 patën caktuar një datë tjetër zgjedhjesh dhe jo ç’dekretim pa datë dhe pa afat:

1- Dekreti nuk synonte shtyrjen e zgjedhjeve por lënien e Shqipërisë pa zgjedhje dhe imunizimin e rebeluesve që do pengojnë votimet.

2- Meta dhe Berisha nuk duan shtyrje zgjedhjesh dhe as votime por rotacion me marrveshje në tavolinë. Thjesht pazarin e rradhës siç kanë vepruar 30 vjet.

3- Shtyrja nuk është zgjidhje sepse ndryshimet kushtetuese dhe ligjore nuk bëhen as për 3 javë dhe as për 3 muaj.

4- Shtyrja nuk zgjidh aspak krizën sepse shtyrja nuk nënkupton doreheqjen e Kryeministrit Rama,

5- Shtyrja nuk ishte plan dhe objektiv opozitar sepse opozita kërkon zgjedhje parlamentare të parakoshme dhe jo bashkiake,

6- Shtyrja nuk e shpëton Lul Bashën nga dorëheqja nëse ai do të humbasë ato qofshin në 30 qershor apo 30 tetor,

7- Shtyrja nuk ndalon efektet e funksionimit të SPAK dhe arrestimit të peshqve të mëdhenj,

8- Ky nuk është dekret i Ilir Metës por i Sali Berishës. Meta i është bashkuar hallit të përbashkët që ata kanë me amerikanët.

9- Shtyrja nuk zgjidh krizën e numërimit të votēs për partitë e vogla ndonse Meta shtiret sikur konsultohet sepse ato parti nuk fitojne asnje Bashki nëse hyn PD ne zgjedhje lokale,

10- Një datë tjetër nuk i shërben bashkshortes së tij Monika sepse i është shkërmoqur aq shumë partia dhe nuk fiton dot asnjë Bashki perballë PS.

 

Së fundmi Ilir Meta s’ka kēllqe të caktoj datë tjetër zgjedhjesh sepse nuk e lejon doktori, pasi në thelb do i shërbente Partisë Socialiste.

Edi Rama do vraponte në dialog me batutën e rradhës:

“Po jam gati t’ju rrah bashkë me doktoreshën dhe doktorin në datēn tuaj 30 korrik, 30 gusht, 30 shtator, boll të vazhdoj të jem kryeministër”

 

Jo jo Meta nuk do dekretoj asnjë datë tjetër zgjedhjesh. Shqipëria është pronë e tij dhe fundja populli s’ka çfarë zgjedh sepse Meta i bën të gjitha: President, Kryeministër, Kryetar Parlamenti, deputet, Ministër, zv/kryeministër…….

Thjesht i duhen 30 vjet të tjera të ri-filloj nga e para…

LEXO TE PLOTE
Reklama
Reklama
Reklama
Reklama
Reklama

LAJMET E FUNDIT

Aktualitet09:04 - 17 Qershor, 2019

Humb jetën një pushuese në Vlorë

Një trup i pajetë është gjetur mëngjesin e sotëm në plazhin e vjetër të Vlorës. Viktima është identifikuar si Shoha...

Aktualitet19:36 - 16 Qershor, 2019

BE damkos Rusinë për dezinformim

Gënjeshtra, teori komplotiste, #hashtag-e me urrejtje. Në zgjedhjet europiane të majit janë përdorur instrumenta dezinformimi me origjinë në Rusi, shprehet...

Aktualitet18:11 - 16 Qershor, 2019

Operacioni “Krasta”/ Jepet vendimi për Suela Mustën

Gjykata e Elbasanit ka vendosur sot masën “Arrest shtëpie” për gazetaren Suela Musta e arrestuar nga policia gjatë operacionit të...

Aktualitet10:33 - 16 Qershor, 2019

Thaçi për L’Express/ Në Hagë shkoj vetëm si dëshmitar

Presidenti i Kosovës, Hashim Thaçi ka folur  për 20-vjetorin e çlirimit të Kosovës në të përjavshmen francese “L’Express”. Ndër të...

Aktualitet10:27 - 16 Qershor, 2019

Negociatat me BE/ Zaev: Ne kërkojmë datën, jo anëtarësimin e menjëhershëm

Maqedonia e Veriut është njëri nga vendet e Ballkanit Perëndimor që mori dritën jeshile nga Komisionit Europian për të filluar...

Aktualitet12:33 - 15 Qershor, 2019

Marrëveshja Kosovë-Serbi/ Senatori amerikan: Vuçiç e di që do jetë e dhimbshme

Ron Johnson, senatori amerikan, ka thënë se e beson vullnetin e Presidentit të Kosovës Hashim Thaçi dhe Presidentit serb Aleksandër...

Aktualitet09:06 - 15 Qershor, 2019

Ballkani dhe krimet e luftës

Radioja kombëtare e Gjermanisë „Deutschlandfunk“ (DLF) me rastin e 20 vjetorit të fundit të luftës në Kosovë transmetoi disa reportazhe...

Aktualitet22:05 - 14 Qershor, 2019

Bllokohet puna në doganën e Kapshticës/ Serverat jashtë funksioni

Prej 6 orësh pika doganore e Kapshticës është jashtë çdo funksioni. Sipas informacioneve paraprake, serverat janë jashtë funksioni, ndërsa më...

Aktualitet18:50 - 14 Qershor, 2019

Emërohet shefi i hetimeve në Prokurorinë Speciale të Kosovës

Emërohet shefi i hetimeve në Prokurorinë Speciale pranë Gjykatës Speciale për Krimet e Luftës në Kosovë. Prokurori me francezo-amerikan Alex...

Aktualitet19:32 - 11 Qershor, 2019

Miratohet dorëheqja e Nikolla Gruevskit nga posti i deputetit

Parlamenti i Maqedonisë së Veriut ia miratoi dorëheqjen nga posti i deputetit Nikolla Gruevskit, ish-kryeministrit të arratisur në Hungari. Ky...

Aktualitet09:20 - 11 Qershor, 2019

Foto-AKU bën “namin” në pikat kufitare/ Sekuestrohen lëngje frutash, pije energjike dhe kripë

Autoriteti Kombëtar i Ushqimit vijon me rigorozitet kontrollet e mallrave ushqimore në Pikat e Inspektimit Kufitar me qëllim parandalimin e...

Aktualitet19:06 - 10 Qershor, 2019

Greqia në zgjedhje të parakohëshme/ Pavlopulos pranon kërkesën e Tsipras për shpërndarjen e Parlamentit

Kryeministri grek, Aleksis Tsipras i ka kërkar Presidentit të Greqisë shpërbërjen e parlamentit grek për ta çuar vendin në zgjedhje...

Aktualitet23:06 - 9 Qershor, 2019

Vëllimi “Deti nuk ka portë”/ Ku mund ta gjesh heroin poetik të Aleksandër Çipës

Nga Josif Papagjoni -Për Aleksandër Çipën kam pasur një simpati, që rridhte brenda meje si ai mushti, së paku i...

Aktualitet22:49 - 9 Qershor, 2019

Nga përdorues kokaine tek gara për kryeministër/ Njihuni me Michael Gove

Pretendenti për kryeministër në Britaninë e Madhe, Michael Gove, ka dhënë një prononcim të çuditshëm për gazëtën prestigjoze “Daily Mail”....

Aktualitet21:05 - 8 Qershor, 2019

Ujë dhe gaz lotsjellës ndaj protestuesve/ Tensionohet situata tek Kuvendi

Është tensionuar situata tek Kuvendi. Protestuesit kanë hedhur shashka e kapsolla ndaj policisë. Ndërkohë që për të shpëndarë turmën, polica...

Aktualitet20:47 - 8 Qershor, 2019

Zhvendoset protesta/ Fillon marshimi drejt parlamentit

Dy orë nga protesta e opozitës që zhvillohet në sheshin përballë Kryeministrisë, tashmë marshimi ka nisur drejt Parlamentit. Teksa mbylli...

Aktualitet09:51 - 8 Qershor, 2019

Foto-Eksporti i produkteve shtazore/ Shqipëria nënshkruan memorandumin me Kinën

Shqipëria dhe Kina kanë nënshkruar një Memorandum Mirëkuptimi mes tyre për bashkëpunimin mbi importin dhe eksportin e produkteve ushqimore dhe...

Aktualitet18:18 - 7 Qershor, 2019

Të gatshëm për rihapjen e bisedimeve/ Thaçi dhe Vuçiç përplasen në Bratislavë

Presidenti i Kosovës, Hashim Thaçi, tha sot se procesi i bisedimeve me Serbinë ndodhet në krizë për shkak të kushtëzimeve...

Aktualitet17:33 - 7 Qershor, 2019

Pragpërplasja, SHBA-ja dhe Rusia fajësojnë njëra-tjetrën

Zyrtarët ushtarakë amerikanë e rusë ngritën akuza të ndërsjellta të premten për veprime të rrezikshme pasi një luftanije amerikane dhe...

Aktualitet12:43 - 7 Qershor, 2019

ShBA vendos raketa në Ballkan

Shtetet e Bashkuara të Amerikës kanë marrë një vendim të papritur duke vendosur luftanije me raketa në Ballkan. Është hera...

Aktualitet18:40 - 5 Qershor, 2019

Nuk përfilli rregullat për borxhin/ Komisioni Europian kundër Italisë

Komisioni Europian rekomandoi të mërkurën nisjen e veprimeve ligjore kundër Italisë, për shkak të mos respektimit të rregullave të BE-së...

Aktualitet18:34 - 5 Qershor, 2019

Ish zv.negociator i OKB për Kosovën/ Ndërron jetë diplomati austriak Rohan

Diplomati austriak, Albert Rohan, ish zëvendës i krye negociatorit të Kombeve të Bashkuara për statusin e Kosovës, ndërroi jetë të...

Aktualitet10:34 - 5 Qershor, 2019

Ish-presidentët e rajonit thirrje BE/ Hapni negociatat për Shqipërinë dhe Maqedoninë e Veriut

Ish-presidentët dhe kryeministrat e rajonit kanë kërkaur nga Europa që të hap negociatat për anëtarësim në BE, për Shqipërinë dhe...

merkel haradinaj merkel haradinaj
Aktualitet20:32 - 4 Qershor, 2019

Merkel ftesë në Berlin për Haradinajn/ Zbulohet arsyeja e takimit

Pas takimit me liderët e Ballkanit Perëndimor, Kancelarja gjermane  Angela Merkel i ka dërguar një ftesë tjetër kryeminstrit të Kosovës...

Aktualitet19:36 - 4 Qershor, 2019

Maqedonia e Veriut në BE?/ Ja si përgjigjet Presidenti i KE-së

Ditë më parë Komisioni Evropian i rekomandoi Këshillit të BE-së, autorizimin për hapjen e negociatave të pranimit në BE të...

Aktualitet19:10 - 4 Qershor, 2019

Vazhdon kaosi te kombëtarja/ Pas Abrashit, dëmtohet edhe mbrojtësi kryesor

Kombëtarja shqiptare e futbollit vazhdon stërvitjen në Frankfurt dhe duket që në fund të sezonit në këmbët e kuqezinjve po...

Aktualitet15:24 - 4 Qershor, 2019

Plavë-Gucia, Eden i Parajsës Shqiptare

Aty ku flet shqip toka dhe qielli, guri dhe druri Nga AZGAN HAKLAJ Refleksion në 30- vjetorin e SHKA Maja...

Aktualitet10:42 - 4 Qershor, 2019

Pse e kujtojmë Masakrën në Tiananmen

A duhet të kujtohet sot kryengritja studentore në Kinë në vitin 1989? Kanë kaluar 30 vjet, është histori, thonë shumë...

Trending

Read previous post:
Kryeministrja serbe: BE-ja nuk mund ta shantazhojë Serbinë për Kosovën

Kryeministrja serbe, Ana Bërnabiq shpreson që Bashkimi Evropian do ta ketë parasysh fleksibilitetin dhe performancën e Serbisë për zgjidhjen e...

Close