web counter
LEXO PA REKLAMA!

SHKARKO APP

App Store
Google Play

E fundit!

x

"Batalioni" me 75  zëvendësministra pritet të raportojnë për punën e bërë

12 Mars 2018, 20:35, Aktualitet CNA

Pas kritikave të shumta për numrin e madh të zëvendësministrave, shefi i Qeverisë Ramush Haradinaj pati kërkuar që atyre t?u ndahen përgjegjësi konkrete dhe që më pas të raportohet për punën e tyre. Ky raportim i zëvendësministrave planifikohet të bëhet në muajin e ardhshëm, shkruan sot Gazeta “Zëri“.

Rreth 75 zëvendësministrat e emëruar nga kryeministrit Ramush Haradinaj në muajin prill do të raportojnë për përgjegjësitë që kanë marrë dhe për punët që kanë kryer deri më tani.

Një gjë e tillë u është kërkuar nga kreu i Qeverisë, i cili muaj më parë ka urdhëruar ministrat që t?u ndajnë përgjegjësi konkrete zëvendësministrave.

Megjithatë, analistët politikë thonë se raportimi i zëvendësministrave nuk do të jetë përmbajtjesor, prandaj kërkojnë të publikohen raportet e punës së ministrave dhe të zëvendësve të tyre.

Vlerësohet se në secilën ministri duhet të jetë vetëm nga një zëvendësministër e jo nga katër apo pesë siç janë aktualisht, shkruan tutje “Zëri”.

Raportimi i zëvendësministrave vjen disa muaj pas kërkesës së kryeministrit Ramush Haradinaj për punë konkrete nga ta.

 ?Mund të duket numër i madh i zëvendësministrave, por po bëhet punë dinamike… Kërkoj nga ministrat t?u ndajnë përgjegjësi konkrete zëvendësministrave dhe më pas të raportojnë për këtë. Ata duhet ta arsyetojnë pagën që e marrin ose duhet të shohim nëse duhet t?ua marrin besimin e dhënë?, pati deklaruar Haradinaj.

Kurse Zyra e Kryeministrit ka konfirmuar për gazetën ?Zëri? se zëvendësministrat do të raportojnë në muajin e ardhshëm për punët që kryejnë.

?Kryeministri Haradinaj ka kërkuar që ata të angazhohen në punë konkrete, për të cilat do të kenë një raportim gjatë muajit prill. Deri atëherë secila ministri mund të japë detaje për punën konkrete të zëvendësministrave që i ka?, thuhet në përgjigjen e Zyrës së Kryeministrit.





Lajmet e fundit nga