E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

KQZ kërkon nga Kuvendi censurimin e mediave

10 Mars 2018, 08:19, Politikë CNA

Komisioni Qendror i Zgjedhjeve kërkon që, para dhe gjatë zgjedhjeve, të shtrijë kontrollin dhe të aplikojë kufizime edhe mbi portalet dhe gazetat, të cilat sipas Komisionit kanë impakt të madh në zgjedhje.

KQZ ka depozituar në Kuvendin e Shqipërisë 20 propozime për ndryshimin e Kodit Zgjedhor, ku 9 prej tyre kanë të bëjnë me kufizimin e lirisë dhe censurimin e gazetave, portaleve dhe televizioneve.

Sipas KQZ, paketa me propozime ka dalë gjatë problematikave të hasura gjatë punës për organizimin e zgjedhjeve të fundit parlamentare. KQZ i kërkon Kuvendit që për kontrollin e të gjithë mediave të mos ketë një afat të përcaktuar, pasi sipas KQZ partitë politike e fillojnë fushatën zgjedhore shumë kohë më parë se përcaktimi ligjor 30 ditë para datës së zgjedhjeve, raporton shqiptarja.com.

Në kushtet kur zgjedhjet zhvillohen një herë në dy vjet, KQZ duket se synon të aplikojë kufizime mbi mediat gjatë gjithë vitit kalendarik, qoftë zgjedhor qoftë jo zgjedhor. Pra, KQZ kërkon një kontroll të përhershëm.

Së dyti, KQZ i kërkon Kuvendit trajnim të detyrueshëm për gazetarët që merren drejtpërdrejt me fushatat zgjedhore. Kjo është një tjetër masë e kërkuar nga KQZ për të kufizuar lirinë e gazetarëve, duke u imponuar disa rregulla të veta se si duhet të raportojnë.

Së treti, KQZ i kërkon Kuvendit për të harmonizuar ligjet për transmetimin e reklamave falas në radiotelevizionet private. Po ashtu, KQZ kërkon monitorimin e emisioneve të veçanta televizive, sidomos ato satirike, pasi sipas Komisionit ato mund të denigrojnë kandidatët.