E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Zbardhet raporti/ Ja destinacionet e pushtetarëve shqiptarë dhe bosëve të krimit për fshehjen e parave

2 Mars 2018, 08:51, Kronika CNA

Të tjera destinacione kanë filluar të gjejnë bosët e krimit dhe pushtetarët shqiptarë për fshehjen e parave të korrupsionit dhe trafiqeve.

Gazeta Sot shkruan se; ?Teksa deri pak kohë më parë destinacionet kryesore ishin Qipro, Zvicra apo Malta, tani sytë janë hedhur drejt kontinenteve të tjera, ku ndër më të preferuarit është kontinenti amerikan, sidomos Amerika e Jugut.?

Task Forca e Veprimit Financiar ka filluar të publikojë raportet vjetore për qindra shtete dhe në shumë prej tyre përmendet Shqipëria.

Sipas raporteve gjatë vitit 2017, janë 6 shtete që kanë lidhur marrëveshje bashkëpunimi me vendin tonë, për shkak të rasteve që janë hasur të fshehjes së parave dhe pastrimit të tyre. Në bazë të të dhënave të FATF rezulton se pak kohë më parë është arritur një marrëveshje bashkëpunimi më Panamanë, i cili shihet si një ndër vendet kryesore në botë të pastrimit të parave. Po ashtu një tjetër marrëveshje është arritur me ishullin Barbados në Karaibe. Duket se deri aty është arritur të dërgohen para nga shqiptarët. Po ashtu ka dhe shtete të tjera si Meksika, Andora, Irlanda dhe Sllovenia.

Në bazë të të dhënave të publikuara nga FATF Drejtoria e Pastrimit të Parave në Shqipëri ka lidhur marrëveshje bashkëpunimi me këto shtete, me qëllim zbulimin e rasteve të caktuara, pasi janë identifikuar transferta të dyshimta nga shtetas shqiptar. Madje aty përmendet dhe një rast në Slloveni, ku autoritetet zbuluan një rrjet të tërë që merrej me pastrim parash. Sipas raportit, autoritetet sllovene identifikuan një rrjet të përbërë me Shqiptarë, të cilët transportonin drogë në Londër, por që përdornin Slloveninë për pastrimin e veprave penale. Pak kohë më parë gazeta e deklaroi se Drejtoria e Pastrimit të Parave ka nisur një proces verifikimi në shumë shtete të botës, kjo në kuadër të vetingut për gjyqtarët dhe prokurorët, por në sitë po kalojnë dhe politikanë dhe zyrtarë të lartë.

FATF dëshmon qartë se autoritetet shqiptare kanë nisur në bashkëpunim të gjerë në Amerikën Latine dhe në Afrikë, për të zbuluar paratë e vëna nga krimi dhe korrupsioni.