web counter
LEXO PA REKLAMA!

SHKARKO APP

App Store
Google Play

E fundit!

x

“Lufta” PS –LSI/ Nis faza e dytë të spastrimit të LSI nga administrata

18 Shkurt 2018, 10:14, Aktualitet CNA

Javën që vjen mazhoranca qeverisëse pritet që të nisë një tjetër fazë sa i takon spastrimit të administratës nga militantët. Prej dy javësh, Partia Socialiste nuk ka zhvilluar mbledhje të grupit parlamentar, mirëpo gjatë kësaj kohe deputetët, ministrat dhe krerët e degëve të PS në rrethe kanë marrë porosi nga kryeministri Edi Rama.

Sipas informacioneve të gazetës, javës tjetër të gjithë deputetët, ministrat, drejtorët dhe krerët e Partisë Socialiste do të zbresin në terren me qëllim hartimin e strategjisë se si do të shkarkohen nga puna gjithë militantët e mbetur të Lëvizjes Socialiste për Integrim nga administrata shtetërore.

Po edhe pse sipas informacioneve, të gjithë drejtorëve të emëruar nga Ilir Meta u është kërkuar që të japin në bllok dorëheqjen, por deri më tani vetëm disa kanë pranuar, ndërkohë që një numër shumë, shumë i ulët janë shkarkuar.

Për këtë arsye, socialistët pas festave pritet që të nisin një betejë të fortë me militantët e Lëvizjes Socialiste për Integrim, duke shkarkuar pjesën dërrmuese të tyre që punojnë aktualisht në zyrat e shtetit. Po ashtu, burimet thanë se mazhoranca ka edhe një tjetër plan si të largojë militantë e LSI nga puna, duke i futur të gjithë në testim.

Kështu që me shuma gjasa, testimi pritet të ?djegë? shumicën e militantëve të LSI, pasi ashtu edhe siç gazeta e ka pohuar edhe më parë, pjesa më e madhe e tyre i janë bashkuar administratës shtetërore, si të emëruar politik dhe jashtë çdo lloj kriteri arsimor apo profesional. Sidoqoftë, rezistenca që militantët e Lëvizjes Socialiste për Integrim po bëjnë duke mos u larguar nga puna, ka vendosur mazhorancën qeverisëse në vështirësi ligjore për t?i shkarkuar, sepse ata janë pjesë e shërbimit civil. Pasi ashtu edhe siç gazeta apo edhe Komisioneri për Mbikëqyrjen e Shërbimit Civil, kanë bërë të ditur se vetëm gjatë këtij viti një pjesë e madhe e drejtorëve të LSI kanë punësuar në administratë shumë punonjës që vijnë nga radhët e partisë së tyre. Pra automatikisht të gjithë këtë drejtorë dhe punonjës të administratë kanë marrë statusin e nëpunësit civil dhe në rast shkarkimi i drejtohen gjykatës.

Ndryshe, ku në shumicën e rasteve shkarkimi i militantëve të Lëvizjes Socialiste për Integrim nga administrata është bllokuar, në disa zona ky proces ka rezultuar deri diku i suksesshëm duke bërë që disa drejtorë apo nëpunës të thjeshtë të LSI të largohen nga puna.

Mirëpo, shkarkimi i tyre nga puna duket se ka futur Partinë Socialiste dhe Lëvizjen Socialiste për Integrim në një ?luftë? të fortë me njëra-tjetrën. Dhe pikërisht, fusha e betejës ku këto dy forca politike janë përplasur fort, ka qenë Gjykata Administrative.

Kështu, burimet i thanë gazetës se thuajse shumica e militantëve të Lëvizjes Socialiste për Integrim, të cilët janë shkarkuar nga puna gjatë kësaj kohe, i janë drejtuar gjykatës, pasi kanë qenë të përfshirë në shërbimin civil.

Të ndodhur përpara kësaj situate, gjykatat iu kanë dhënë të drejtë teksa disa prej militantëve të LSI kanë fituar gjyqin, si dhe të drejtën e dëmshpërblimit apo të rikthimit në punë. /Sot





Lajmet e fundit nga