LEXO PA REKLAMA!

SHKARKO APP

Zvarritet hetimi për byzylykët elektronikë/ Pse hesht ministrja Gjonaj?

6 Shkurt 2018, 17:50, Aktualitet CNA

Ministrja e Drejtësisë Etilda Gjonaj, duket se është vetëm si figurante në krye të këtij institucioni.

Vendimet në emër të saj, merren nga të tjerë, dhe për pasojë në disa dikastere që janë nën kompetencë të kësaj ministrie po bëhen emërime nepotike, miqësore e klanore.

Shërbimi i Provës është prej kohësh i cunguar dhe i paralizuar. Asnjë veprim nuk është bërë në drejtim të rikuperimit të byzylykëve elektronike.

Ky është konstatimi i dalë nga një inspektim në Ministrinë e Drejtësisë.

Në fund të dhjetorit 2017, Gjonaj kërkoi që prokuroria të rifillonte hetimet, për çështjen e byzlykëve pasi ekzistonin provat.

Më pas Gjykata e Tiranës riktheu sërish në hetim çështjen e byzylykëve të mbikëqyrjes elektronike të personave që u kufizohet lëvizja për shkak të veprave penale që dyshohen se kanë kryer.

Organi i akuzës i hapi hetimet, por kur ka kaluar më shumë se një muaj ende nuk ka ndonjë reagim.

Edhe ministrja, e cila kërkoi me forcë, rifillimin e hetime në mënyrë të përshpejtuar tashmë hesht.

Rikujtojmë se pas ?rebelimit? të Gjonajt me datë 10/01/2018, Ministri i Brendshëm Fatmir Xhafaj, e ka takuar kryeprokuroren Arta Marku në zyrën e tij me praninë e Ministres së Drejtësisë.

Nuk dihet nëse ka qenë kjo ka qenë arsyeja e zbutjes së ministres Gjonaj, por nëse kjo e fundit do të ishte aq e shqetësuar siç u paraqit në media, të paktën pas takimit me Arta Markun do të denjonte të fliste edhe për skandalin e byzlykëve.

Prokurorisë i kërkohet të verifikojë dyshimet se byzylykët elektronikë që janë dorëzuar nga bashkimi i operatoreve nuk janë funksionale.

Ky dyshim lindi pasi ish-ministri teknik Gazment Bardhi konstatoi se byzylykët elektronikë, që ishin blerë nga ministria, nuk mbaheshin nga qendra e mbikëqyrjes elektronike në Ministrinë e Drejtësisë, por nga bashkimi i operatorëve, të cilët ia kishin shitur institucionit.

Pas denoncimit të këtij rasti në gusht të këtij viti, ish- ministri teknik Bardhi urdhëroi fikjen e shërbimit të mbikëqyrjes elektronike për gati 90 persona që mbanin byzylykët, pasi ishin evidentuar raste që personat e kishin hequr byzylykun pa u konstatuar nga salla e mbikëqyrjes./CNA.al

Lajmet e fundit nga