E fundit!

21:29 Aktualitet

"Investitorët strategjikë, klientela e Ramës"/ Këlliçi: Ende asnjë zyrtar shteti i arrestuar për aferat më të mëdha

Nënkryetari i PD-së, Belind Këllliçi ka folur mbrëmjen e s...

Pas arrestimit të kunatit reagon Artur Zheji: Persekutim politik, shpresoj...

6 Shkurt 2018, 16:42, Aktualitet CNA

Pas arrestimit të ish-drejtorit të menaxhimit të projektit të rrugës Tiranë-Elbasan, Aleks Qurduku, kunat i gazetarit dhe analistit Artur Zheji, ka ardhur edhe reagimi i këtij të fundit.

Nëpërmjet një komenti në portalin në pronësi të tij, “360grade.al”, Artur Zheji, nuk thotë asgjë për kunatin e tij të arrestuar, por quan arrestimet e deri tanishme si luftë sipas ngjyrës politike. Ai i quan arrestimet si persekutime politike, siç ndodhte në komunizëm, pavarësisht se akuzat ndaj Aleks Qurdukut, kunat i Artur Zhejit, lidhen me abuzime në një vepër infrastrukturore, siç është rruga Tiranë-Elbasan, që i ka kushtuar buxhetit një dëm prej rreth 50 milionë euro.

“Tanimë është e qartë, filloi lufta e arrestimeve.
Për habi prokuroria po e lufton krimin simbas ngjyrës politike, nga ku edhe kuptohet sinjali i alarmit, që u dha në protestën e 18 Dhjetorit, kundër zgjedhjes së zhurmshme të Arta Markut, protestë e cila fillimisht m?u duke e sforcuar.
Kjo që po ndodh është një film i vjetër dhe bardhë e zi, që brezi im dhe i Edi Ramës, e ka përjetuar 1973-81, ku në harkun e 8 viteve, diktatori bëri një shfarosje të brendshme, nga parandjenja e vdekjes së tij fizike.
Padyshim Shqipëria është një vend i korruptuar, thellë dhe mirë dhe në çdo qelizë. Dhe lufta kundër korrupsionit real është e mirëpritur, qoftë nga kryeprokurorja e re dhe nga kushdo tjetër”, – shkruan Artur Zheji.

Sipas tij, arrestimet e deri tanishme që vijnë vetëm nga radhët e opozitës, apo nga LSI, janë një akt korruptiv i thellë, ndërsa ngre dyshime se Kryeprokurorja të jetë pjesë e asaj, që Zheji e quan si lojë, ndërsa thotë që shpreson që Kryeministri të mos jetë pjesë e këtij persekutimi politik.

“Porse të rradhisësh një serë arrestimesh njëngjyrëshe, duke peshkuar në rradhët e funksionarëve të një partie të vetme, ose në rradhët e funskionarëve të Opozitës, ndihur nga pushteti i sotëm, është një akt korruptiv edhe më i thellë.
Dhëntë Zoti, që zonja Arta Marku, të mos jetë pjesë e një loje të tillë dhe dhëntë gjithashtu Zoti që kryeministri ynë, te jetë duarjashtë kësaj gjëme, që quhet persekutim politik.”, – vijon Zheji.

Ai shprehet se kjo është një nga mënyrat e e sabotimit të Reformës në Drejtësi.

“Nuk ka mënyrë më të mirë se sa kjo, për të sabotuar Reformën në Drejtësi, nuk ka mënyrë më të mirë se sa ?Rastësia e pazakontë?, që të ?korruptuarit? të kenë vetëm një ngjyrë të caktuar politike, ndërsa të ?ndershmit? të jenë edhe ata, vetëm ngjyrë rozë.
Kjo e hedh në erë Reformën në Drejtësi dhe nuk është trumbetimi i fillimit të saj, por fillimi i Fundit të kërkesës së vërtetë të shqiptarëve për një Drejtësi të Drejtë.”, – shkruan Zheji, duke ngrutur pyetjen nëse “Është kjo rruga e duhur?”

Në vijim ai ngre pikëpyetje teksa i quan arrestimet si pjesë e “byrekut të Tepsisë së re, të pushtetit të ri”.

“Sigurisht të gjithë duhet të presin provat, por askush nuk merr dot përgjigjen bindëse, nëse ky është byreku i Tepsisë së re, të pushteti të ri.
Ku është parë që ?mëkatarët? përcaktohen nga tesera e partisë dhe të ?ndershmit? përcaktohen përsëri nga tesera e partisë?
Ky është një film bardhë e zi, i kohërave të kaluara, që nuk ka Piktor që e ngjyros dot me ngjyra bindëse.”, – përfundon Artur Zheji. /CNA.al