web counter
LEXO PA REKLAMA!

SHKARKO APP

App Store
Google Play

E fundit!

x

Luan Rama: “Peshku i madh” u arratis me ndihmën e shtetit

29 Janar 2018, 14:20, Aktualitet CNA

Deputeti i LSI, Luan Rama ka reaguar në lidhje me ekstradimin e Nazer Seitit drejt Italisë.

Në një postim në rrjetet sociale, Luan Rama e cilëson si skandal të paprecedentë ekstradimin e Seitit, ndërsa kërkon hetimin dhe vendosjen para drejtësisë të të gjithë autorëve që organizuan dhe realizuan në bashkëpunim ekstradimin e paligjshëm, sikur e quan ai të ?peshkut të madh?.

Nazer Seiti u ekstradua para pak ditësh në Itali në kuadër të dosjes ?Habilaj? ndërsa prokuroria e Përgjithshme gjeti shkelje në këtë proces duke nisur hetimet për 4 prokurorë.

Postimi i plotë:

I arrestuari për trafik droge ?arratiset? nga qelitë e paraburgimit me ndihmën e shtetit! Eshtë i paprecedent dhe skandaloz rasti i ekstradimit për në Itali të shtetasit Nezar Seitaj, i ndaluar me urdhër-ndalimi nga ana e Prokurorisë së Krimeve të Rënda që prej datës 19 tetor 2017. Eshtë shkelur Kodi i Procedurës Penale (nenet 449 dhe 500); është shkelur edhe Ligji për Marrëdhëniet Juridiksionale me Jashtë (nenet 40 dhe 41)! Në këto kushte, Prokuroria e Krimeve të Rënda duhej të kishte nisur menjëherë hetimin e këtij skandali, që përbën gjithashtu një krim të rëndë shtetëror!

E meqë nuk ka njoftim ta ketë bër?, është në kohë ta bëjë sa më parë, duke filluar çështjen penale në ngarkim të autorëve që organizuan dhe realizuan në bashkëpunim ekstradimin e paligjshëm të të vetmit ?peshk të madh? të trafikimit të drogës që kishin të arrestuar, i cili u ?arratis? nga qelitë e paraburgimit me ndihmën e shtetit! Sepse është skandaloze që Prokuroria ka nisur një ?hetim administrativ? për prokurorët që arrestuan dhe hetonin trafikantin, ndërkohë që do të duhej të ishin arrestuar tashmë, më e pakta për shpërdorim detyre dhe pengim te hetimit të gjithë ata që në bashkëpunim organizuan dhe realizuan ekstradimin e paligjshëm!

Naiviteti apo injoranca e deklaratës së Prokurorisë së Përgjithshme dhe e Ministrisë së Drejtësisë se nuk kishin dijeni që ai ishte i arrestuar apo që ndaj tij nuk kishte filluar çështje penale, nuk mund të jenë justifikim e aq më pak argument, për të mbuluar shkeljet e rënda ligjore! Kështu ndodh kur shteti është kundër drejtësisë dhe kur reforma në drejtësi është e kapur politikisht!/ CNA.al





Lajmet e fundit nga