web counter
LEXO PA REKLAMA!

SHKARKO APP

App Store
Google Play

E fundit!

x

Cilat janë 12 misteret me kompaninë ARMO?!

24 Janar 2018, 21:42, Aktualitet CNA

Mbrëmjen e sotme në emisionin “Opinion” të Blendi Fevziut, po trajtohet sërish tema për çështjen ARMO, nga ku janë parashtruar të paktën 12 mistere të kësaj çështjeje.

Lidhur me këtë janë 12 pyetje që kërkojnë përgjigje, të cilat janë:

1. Si shpjegohet që kompania është lënë të vijojë aktivitetin e saj e pashqetësuar për 9 vjet duke grumbulluar një borxh prej 704 milionë dollarësh?

2. Përse kanë dështuar tatimet? Si është toleruar që një kompani të mos paguajë miliona euro detyrime, kur qytetarëve të zakonshëm ju bllokohet biznesi për 10 euro të papaguara?

3. Përse ka dështuar OSHEE? Borxhi ndaj saj është 1.7 milionë USD në një vit, ndërkohë që qytetarët burgosen për 30 USD mos pagesë.

4. Përse kanë dështuar doganat? deri në 2016 borxhi ndaj tyre ishte 20 milionë USD. Përse subjekti është lejuar të vijojë aktivitetin kur bizneset e tjera bllokohen direkt?

5. Përse nuk ka funksionuar kontrolli i kredive, por kompania ka marrë kredi pas kredie ndërkohë që ka qenë në listën e zezë të kredive të këqija?

6. Përse dështoi hipoteka? Si u regjistruan asetet në emër të bankave kur kishin detyrime ndaj tatimeve dhe stukturave të tjera shtetërore.

7. Përse dhënia me qira e rafinerisë ishte bërë pa asnjë lloj garancia. Çdo njeri që merr një aset me qira ngurtëson së paku qiranë e dy muajve dhe tregon se mjetet financiare që do të paguajë aktivitetin e tij. Nëse tani investitorët zhduken kush do të paguajë?

8. Cili është amerikani misterioz që përmendi Rama dhe përse u zhduk ai? Kush mban përgjegjësi për borxhet e tij?

9. si shpjegohet që në një kompani të tillë për 10 vjet duken dhe zhduken emra dhe firma dhe në fund në arkën e shtetit, mungojnë disa qindra milionë dollarë?

10. Kush do të paguajë 15% e e pjesës shtetërore?

11. A është përdorur ARMO si një kombinat i tmerrshëm i shkatërrimit të karburantit në vend. A ka hetuar njeri për cilësinë e naftës që konsumojmë dhe a ka qenë kjo skema më e madhe e abuzimit në vend?

12. Si shpjegohet se për këto humbje gjigande, nuk u akuzua, nuk u hetua dhe nuk u dënua askush? /CNA.al





Lajmet e fundit nga