web counter
LEXO PA REKLAMA!

SHKARKO APP

App Store
Google Play

Rritet numri i të prekurve nga Fruthi/ Ja si hyri kjo sëmundje në Shqipëri

19 Janar 2018, 16:48, Aktualitet CNA

Numri i fëmijëve të prekur nga Fruthi në vendin tonë ka shkuar në 19, ndërsa të prekurit janë nën kujdesin mjekësor në Pediatrinë e QSUT. E ftuar në rubrikën “Opinion” në News24, specialistja e Institutit të Shëndetit Publik, Silva Bino, tha se rreziku i përhapjes së virusit është prezent. Më tej ajo tregoi sesi ka hyrë ky virus në vendin tonë, këto ditët e fundit.

Sipas specialistes Bino thotë se Fruthi në Shqipëri hyri nga kontakti i një fëmijë me një burrë nga Kosova, në ambientet e QSUT.

?Fruthi në Shqipëri hyri nga kontakti i një fëmijë me një burrë nga Kosova, në QSUT. Nuk ka vend për panik në vendin tonë, pasi nuk ka një epidemi masive. Por ekziston rreziku që fëmijët e pavaksinuar të preken nga fruthi. Këshillojmë prindërit që të vaksinojnë fëmijët e tyre, të mos hezitojnë, pasi në të kundër fëmijët e tyre rrezikojnë më shumë. Kujtojmë se fruthi përhapet përmes ajrit, prindërit duhet të tregohen të kujdesshëm, mos të çojmë fëmijët e tyre në spitale apo pediatri pa qenë nevoja urgjente. Të shmangin kontaktet me ambientet ku mund të merret virusi?, u shpreh Bino.

Ajo deklaroi se fëmijët e prekur nga virusi i Fruthit janë të gjithë nën moshën 3 vjeç ndrësa të tha se të gjithë janë të pavaksinuar me vaksinën MMR, e cila të mbron 100% nga Fruthi, shytat dhe rubeola. Për këtë ajo ka bërë thirrje ndaj prindërve që të mos e neglizhojnë këtë vaksinë për fëmijët e tyre, të cilët mendojnë se vaksina mund të sjellë probleme anësore tek fëmijët e tyre, si dhe autizëm.

Bino thekson se vaksina e Fruthit nuk shkakton autizëm.

?Sa i takon vaksina kundër fruthit nuk shkakton autizëm. Është e vërtetë se disa prindër hezitojnë për t?ia bërë vaksinën fëmijës së tyre. por janë kryer qindra studime që vërtetojnë se vaksina nuk shkakton autizëm. Vetë fruthi shkakton probleme të mëdha tek njeriu, sidomos tek fëmija. Mund të shkaktojë probleme që mbeten për gjithë jetën. Nuk duhet të shtyhet vaksina kundër gripit?, u shpreh specialistja e ISHP. /CNA.al





Lajmet e fundit nga