E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

Gazeta gjermane zbulon kush është turku që qendron pas aeroportit të Vlorës

19 Janar 2018, 21:07, Aktualitet CNA

Pas kompanisë gjigande “Cengiz Construction” qendron Mehmet Cengiz, i cili që nga momenti që Taip Rexhep Erdogan u ngjit në pushtet në vitin 2002, ka fituar mbi 50 miliardë dollarë tendera, ose më shumë se 3 miliardë në vit. Raportimi vjen nga gazeta prestigjioze gjermane “Suddeutsche Zeitung” e sjellë në shqip nga TCH. Shkrimi i gazetës gjermane e rendit Mehmet Cengiz si pjesë të një kaste biznesmenësh, afër partisë së Erdoganit, të ashtuquajturit “Tigrat e Anadollit”.

Ndërsa gazeta tjetër presticioze”Uashington Post” vlerëson se Cengiz është shembull i sistemit klientelist në Turqi.

Në vitin 2012, kur Cengiz së bashku me dy kompanitë e tjera që kanë paraqitur ofertë për Aeroportin e Vlorës, fituan kontratën për aeroportin e Stambollit, Prokuroria turke, e cituar nga agjencia ?Reuters?, lëshoi urdhra ndalimi për Mehmet Cengiz dhe disa biznesmenë të afërt me presidentin Erdogan.

Ata u dyshuan për disa kontrata, përfshirë atë të aeroportit të Stambollit. Por urdhrat e arrestit të prokurorisë turke nuk u zbatuan nga policia. Vetë Erdogan, asokohe kryeministër, e quajti përpjekjen si një grusht shteti.

Ndonëse pak ditë më vonë dy ministra në kabinetin e tij, ai i kulturës dhe ministri i mjedisit dhanë dorëheqjen, duke hedhur akuza publike ndaj ish-shefit të tyre Erdogan, për lidhje të dyshimta me bizneset e ndërtimit.

Hetimet në Turqi u mbyllën edhe në sfondin e një beteje politike mes mbështetësve, që filloi me shkarkimin e dhjetëra prokurorëve dhe shefave të policisë, për t?u mbyllur me grushtin e dështuar të shtetit të korrikut 2016 ndaj Erdoganit dhe arrestimet masive që pasuan.

Gjashtë vjet pas tenderit për aeroportin e Stambollit, gjigandi “Cengiz Construction” do të ndërtojë një tjetër aeroport, këtë herë në Vlorë. Por ashtu si në rastin e tenderit për Aeroportin e Stambollit, sërish vendimi duket se është marrë në të njëjtën zyrë, siç njoftoi vetë kryeministri Rama në 04 shkurt 2017.

Ministria e Transporteve tha se aeroporti do të ndërtohet me paratë e kompanive private, por nuk pranoi të japë detaje mbi projektin, se sa do të kushtojë dhe si do të shpërblehen këto kompani. Në Turqi aeroporti po ndërtohet me garanci sovrane, që do të thotë se shteti del garant për fitimin e kompanisë.

A do të jetë edhe këtu e njëjta formulë? Këto detaje do të zbulohen në vijim, përpara se kontrata të kalojë për miratim në Parlament. Por edhe në tenderin e aeroportit të Vlorës, emrat janë të njëjtë me ata të Stambollit, raporton gazeta gjermane.