web counter
LEXO PA REKLAMA!

SHKARKO APP

App Store
Google Play

Qëlluan me armë natën e Vitit të Ri/ Në pranga dy të rinj

4 Janar 2018, 18:22, Aktualitet CNA

Policia e Korçës ka bërë të mundur arrestimin e dy të rinjve, të cilët akuzohen se natën e ndërrimit të viteve kanë qëlluar me armë zjarri në ajër në fshatin Pojan.

Uniformat blu bëjnë të ditur se të ndaluarit janë Enea Leke, 25 vjeç dhe Lion Kondi, 22 vjeç, të dy banues në fshatin Pojan.

Njoftimi i policisë:
Arrestohet në flagrancë nga Policia autori i dyshuar, si edhe poseduesi i armës së zjarrit, të cilit në banesë iu gjet edhe një armë gjahu pa leje.

Më datë 04.01.2017, u bë kapja dhe arrestimi në flagrancë i shtetasve:

Enea Leke, 25 vjeç

Lion Kondi, 22 vjeç, të dy banues në fshatin Pojan.
Shërbimet e Komisariatit të Policisë Maliq, në rrugë policore kanë siguruar informacione, se gjatë natës së ndërrimit të viteve në fshatin Pojan, është qëlluar me armë zjarri në ajër.
Nga puna hetimore e kryer, u bë e mundur identifikimi i autorëve të dyshuar ku ka rezultuar se ka qenë shtetasi Enea Leke, i cili ka qëlluar me armë zjarri në ajër, gjatë festave të fundvitit.

Arma e zjarrit tip pushkë model 56 posedohej nga shtetasi Lion Kondi.

Gjatë kontrollit të banesës së këtij të fundit, iu gjet e sekuestrua në cilësinë e provës materiale një armë zjarri tip pushkë si edhe një armë gjahu teke, të cilat i posedonte pa lejen e organeve përkatëse.

Materialet i kaluan Prokurorisë të Rrethit Gjyqësor Korçë për veprat penale: ?Prodhimi dhe mbajtja pa leje e armëve luftarake dhe e municionit?; ?Prodhimi dhe mbajtja pa leje e armëve të gjuetisë dhe sportive? parashikuar nga nenet 278 e 280 të Kodit Penal./ CityNews





Lajmet e fundit nga