E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Vajza, keni këto probleme me pjesën tuaj intime? Urgjent te mjeku!

24 Dhjetor 2017, 15:47, Aktualitet CNA

Kur bëhet fjalë për shëndetin tuaj, nuk duhet të lëmë asgjë pas dore. Problemet femërore apo menstruacionet shpesh herë nxisin kokëdhembje. Nëse gjakderdhja zgjat më shumë se shtatë ditë, atëherë duhet të kërkoni ndihmë nga gjinekologu juaj.

Menstruacionet e gjata dhe me shumë gjakderdhje, janë një nga problemet e mundshme të femrave. Ndryshimet hormonale, anemi, lodhje ? të gjitha këto ndërlidhen me ndryshimet gjinekologjike, por ja disa probleme që nuk mund të injorohen asesi:

Sekrecion i tepërt

Sekrecioni vaginal ndryshon gjatë ciklit menstrual. Trupi gjatë ovulacionit prodhon më së shumti shtresë të mukusit dhe sekrecion të holluar apo të lëngshëm. Nëse ka ndryshime në ngjyrë, erë dhe cilësi, atëherë është mirë të vizitoni mjekun. Këto ndryshime janë të mundshme për shkak të inflamacionit, infeksioneve fungale dhe sëmundjeve seksualisht të transmetueshme siç është klamidia.

Menstruacione të dhimbshme

Dismenorrhea ose dhimbjet menstruale karakterizohen nga dhimbjet dhe spazma në stomak. Këto dhimbje ndodhin mënjëherë para dhe gjatë periodave, dhe janë aq të forta saqë mund të ju paraqiten edhe në shpinë.

Ky çrregullim shoqërohet me vjellje, diarre ose kapsllëk, dhimbje koke, lodhje, marramendje dhe ndjeshmëri e tepruar e tingujve dhe aromave. Mund t?i zbusni këto dhimbje përmes pilulave kontraceptive, por vetëm sipas konsultimit me gjinekolog.

Dhimbje gjatë seksit

Dyspareunia është dhimbje që ndodhë gjatë raportit seksual. Mund të jetë dhimbje e përkohshme ose e përhershme, por edhe një simptomë e endometriozës. Dhimbja mund të shkaktohet nga infeksioni bakterial, ndryshimet hormonale, thatësi gjenitale, dhe poashtu shkaku mund të jetë i natyrës psikologjike.

Dhimbja mund të ndodhë gjatë dhe pas menopauzës, i shoqëruar me thatësi vaginale. Në këtë rast, rekomandohet përdorimi i lubrifikimit, dhe nëse dhimbja nuk ndalet, sigurohuni që të vizitoni gjinekologun.

Gjakderdhje ndërmjet dy menstruacioneve

Përveç pas raportit seksual, gjakderdhja mund të ndodhë edhe në mes të ciklit menstrual. Kjo mund të ndodhë si pasojë e përdorimit të pilulave kontraceptive, por që kalon shpejt.

Nëse gjakderdhja zgjat më shumë, kjo mund të jetë si rezultat i fibroideve në mitër dhe polipe. Këto janë beninje por ndonjëherë polipet nganjëherë mund të jenë edhe kancerogjene. Më së shpeshti ndodhin gjatë menopauzës, por paraqiten edhe te femrat e reja./CityNews