E fundit!

16:31 Politikë

Ndryshime në qeveri/ Ja kush lirohet nga detyra

V E N D I MPËR LIRIM NGA DETYRA Në mbështetje të nenit 1...

Skandali antikushtetues i ligjit për ndihmën juridike

15 Dhjetor 2017, 21:09, Aktualitet CNA

Avokati Altin Goxhaj, ka denoncuar atë që e quan si “skandal antikushtetues i ligjit të Soros për ndihmën juridike.

Me anë të një postimi në rrjetet sociale, Goxhaj shprehet se në bazë këtij ligji, qytetarët nuk kanë të drejtë të zgjedhin avokatin nga lista, por atë ia cakton prokurori.

Sipas Goxhajt, ligji në fjalë i denoncuar edhe nga PD dhe LSI, ka shkelje shumë të rënda, që në miratimin e tij i bërë duke shkelur procedurat.

“Ligji për ndihmën juridike që gjithë lekët e buxhetit për ndihmën juridike ti marrin 6 shoqatat e Soros, i miratuar duke shkel proçedurat dhe i denoncuar nga LSI por jo nga PD, ka dhe një shkelje tjetër shumë të rëndë:
QYTETARËVE QË MARRIN NDIHMË U HIQET E DREJTA QË TË ZGJEDHIN MES AVOKATËVE ATË QË DUAN!!!

Sipas Nenit 24 “Dhënia e ndihmës juridike dytësore nga avokatët”
2. a) dhoma vendore e avokatisë cakton një avokat nga lista e avokatëve që japin shërbimet e ndihmës juridike dytësore, sipas parimit të rotacionit;
6. Vendimi për zëvendësimin e avokatit të caktuar nga një avokat tjetër nga lista e avokatëve që ofrojnë shërbimet e ndihmës juridike dytësore merret nga: a) organi procedues, në rast se avokati që do të zëvendësohet është caktuar nga ky organ;”, – shkruan avokati ndërsa shton se, “Sipas Neni 21 “Procedura e dhënies së ndihmës juridike dytësore të pandehurit pa mjete të mjaftueshme financiare”:
2. Nëse organi procedues (Prokuroria) që fillon hetimet vlerëson se kriteret janë përmbushur, cakton menjëherë një avokat mbrojtës nga lista e avokatëve që ofrojnë shërbimet e ndihmës juridike dytësore dhe njofton menjëherë personin, të cilit i ofrohet ndihmë juridike dytësore, si dhe avokatin e caktuar mbrojtës.”

Sipas Goxhajt është e papranueshme që ai që do të të dënoj ëtë të caktojë avokatin, pasi sipas tij kjo i kthen avokatët në klientë të prokurorëve.

“Pra siç e kuptuat dhe vetë, pavarësisht nga njohuritë juridike, i që do të dënojë të cakton avokatin dhe jo ti!!! Dhe kjo kuptohet që i kthen avokatët në klientë të Prokurorisë dhe jo të qytetarëve! Atyre u duhet ta mbajnë mirë me Prokurorinë se ajo u jep bukën e gojës!”, – thotë në vijim Goxhaj.

Avokati shprehet se moszgjedhja e avokatit nga qytetari, është një shkelje kushtetuese.

“Parimi i mos zgjedhjes së avokatit nga qytetari mes atyre avokatëve që plotësojnë kushtet ligjore bëhet që qytetarët të jenë sa më vunerabël, të mos marrin mbrojtjen më të mirë mgjths buxheti i shtetit po njësoj do paguajë! Dhe bëhet fjalë për fukarenjtë dhe pjesën më vunerabël të shoqërisë! Pra sa më i dobët dhe vunerabël të jesh aq më të dobët do ta marrësh edhe shërbimin! KJO ËSHTË SHKELJE KUSHTETUESE!!!”, – shprehet aktivisti i Shoqërisë Civile.

Në përmbyllje të reagimit të tij, ai shprehet se do tu kërkohet deputetëve të opozitës, se ky ligj të çohet në Gjykatën Kushtetuese, sepse është i papranueshëm dhe rëndon mbi qytetarët e varfër.

“Dhe do ti kërkojmë 28 deputetëve të Opozitës që ta çojnë në Gjykatën Kushtetuese se nuk mund të pranohet që ligjet e shkruara nga Sorosi të rëndojnë edhe më fukarenjtë e Shqipërisë! Përse të mos ketë të drejtë qytetari të zgjedhë mes dhjetra avokatëve të listës atë që do nëse do edhe avokati? Përse ta lejmë në dorë të Prokurorit i cili nuk ka interes mbrojtjen më të mirë por më të dobët? Pse ta lejmë në dorë të shefave të shortit a thua se avokati është gjykatës? Avokati mund të jetë i zoti ose i pazoti në një fushë apo në çdo fushë! Pse të mos i jepet e drejta qytetarëve të zgjedhin më të mirin për ta kur pagesa njësoj do të bëhet???”, – përmbyll reagimin e tij Altin Goxhaj. /CityNews