web counter
LEXO PA REKLAMA!

SHKARKO APP

App Store
Google Play

Hetimi i Saimir Tahirit në Itali/ Hoxha: Prokurorët shqiptarë u përfshinë në qëndrime politike dhe emocionale

14 Dhjetor 2017, 16:26, Aktualitet CNA

Gazetari investigativ Artan Hoxha, i pranishëm në studion e televizionit News24, ka komentuar zhvillimet e fundit me çështjen e ish-ministrit të Brendshëm shqiptar, Saimir Tahiri, ndaj të cilit ka filluar një procedim penal nga Prokuroria e Katanias.

Artan Hoxha u shpreh se procedimi që ka nisur më 27 tetor, është një hetim individual për Saimir Tahirin, dhe jo në grup, ndërsa shtoi se fakti që ka nisur një procedim nga shteti italian, do të ndihmojë për të hedhur dritë dhe për zhvillimet e mëtejshme në vend.

Gazetari Hoxha u shpreh se, “duke qenë se Prokuroria u akuzua, dhe u përfshi në qëndrime politike dhe emocionale, humbi aftësinë e hetimit të paanshëm.” Sipas tij, prokurori që po heton Saimir Tahirin, është një nga prokurorët më të mirë dhe më të aftë të luftës antimafia, por kjo nuk e bën Saimir Tahirin fajtor, deri në momentin që diçka të tillë do e vendosë gjykata.

Ai tha se ndonëse ka nisur procedimi, ende nuk ka një komunikim nëse është marrë i pandehur shtetasi Saimir Tahiri, apo të merret një masë sigurie ndaj këtij shtetasi. Sipas tij, Prokuroria fillimisht po mbledh informacion për rastin në fjalë, e më pas do të vijë komunikimi i saj. /CityNews





Lajmet e fundit nga