web counter
LEXO PA REKLAMA!

SHKARKO APP

App Store
Google Play

E fundit!

x

Mbyllen sot aplikimet për Kryeprokuror/ Cilët janë kandidatët që do të sfidojnë Elezin?

12 Dhjetor 2017, 09:59, Aktualitet CNA

Ferdianad Elezi është kandidati i parë zyrtarë për të marrë postin e Kryeprokurorit të përkohshëm.

Elezi është drejtues i Prokurorisë së Apelit në Durrës dhe me një karrierë të gjatë në këtë profesion. Prej kohësh ai u përfol si emër që mund të zëvendësonte Adriatik Llallën dhe dje ai ka dorëzuar të dhënat e nevojshme pranë Kuvendit.

Ndërkohë sot, është afati i fundit për të gjithë të interesuarit , pasi në oren 18.00 mbyllen aplikimet dhe më pas do të fillojnë seancat dëgjimore në  Komisionin e Ligjeve.

Sipas gazetës Sot ka pasur disa aplikime për këtë post , por vetëm pasi të mbyllet gara do të publikohet lista e plotë. Megjithatë kanë dalë disa emra të tjerë që priten të zyrtarizohen sot.

Një nga këtra emra është Arta Marku, aktualisht prokurore në Prokurorinë e Shkodrës. Marku është një ndër emrat që po i nënshtrohet vetingut, pasi kandidon për në  KLP.

Një tjetër emër që pritet të kandidojë për postin e Kryeprokurorit është Xhemal Saliaj, ish kryeprokurori i Beratit. Saliaj, i cili ka shërbyer në Berat për dhjetë vite deri në vitin 2012, prej pesë vitesh punon në qytetin e Vlorës, raporton gazeta Sot.

Ndërkaq emra të tjerë që lakohen janë Olsian Çela, prokuror në Prokurorinë e Krimeve të Rënda.

Çela, ka qenë një nga bashkëpunëtorët e afërt të ish kryeprokurores Ina Rama. Po nga Prokuroria e Krimeve të Rënda pritet të aplikojnë edhe prokurorë të tjerë si Henrik Ligori,  apo Besnik Muçi.

Ndërkohë një emër tjetër që lakohet se do të kandidojë është prokurori Dritan Rreshka nga Prokuroria e Tiranës.





Lajmet e fundit nga