web counter
LEXO PA REKLAMA!

SHKARKO APP

App Store
Google Play

E fundit!

x

Mafia universitare zvarrit emërimin e Dekanit Sabri Laçi

11 Dhjetor 2017, 11:10, Aktualitet CNA

Sabri Laçi, profesor në Fakultetin e Historisë dhe Filologjisë të Universitetit të Tiranës, i cili u shpall fitues pas përmbylljes së numërimit të votave nga Komisioni i Zgjedhjeve në FHF, ende nuk është emëruar.

Kjo për shkak të tentativave të panumërta për të deformuar votimin dhe numërimin e votave.

Së fundmi në një letër drejtuar Ministres së Arsimit Lindita Nikolla dhe Kryeministrit Edi Rama, Profesor Laçi, ka deklaruar se KZF dhe KIZ (Komisioni Institucional Zgjedhor) u përfshinë në këtë tentativë dhe se KIZ përjashtoi në mënyrë arbitrare në kundërshtim me ligjin një pedagog, personel akademik me kohë të plotë nga pjesëmarrja në zgjedhje.

Madje, gjatë zgjedhjeve, përfaqësues të KIZ u kanë bërë presione studentëve që të mos marrin pjesë në zgjedhje, duke krijuar tension.

Ndërkohë, që me fillimin e procesit u verifikua se KZF u ka dhënë pedagogëve fletë studentësh për të votuar, duke i shpallur më pas vota të tilla si të pavlefshme.

Por, ende nuk ka një reagim nga Ministria e Arsimit në lidhje me këtë skandal.

Ndërkaq, mësohet se Kryetarja e KIZ Majlinda Keta (komisioni institucional zgjedhor) është vegël e keqpërdorur Dhori Kules, Vali Dukës dhe Shezair Rrokajt si dhe një pjesë e anëtarëve janë nën ndikimin e tyre.

Për më tepër, thonë që ajo sot, ka ndikuar që të çojë për interpretim në Ministrinë e Arsimit, gjë e pazakontë, absurde që s?ka ndodhur kurrë më parë. Është njësoj sikur që pas 20 vitesh që kemi miratuar Kushtetutën e ta çojmë për interpretim në Ministrinë e Drejtësisë.

Formula e llogaritjes së votave, për zgjedhjen e dekanit, është një formulë që funksionon prej mbi 15 vitesh.

Justifikimi i interpretimit është kërkuar tek Ministria e Arsimit me synim zvarritjen e shpalljes së vendimit dhe grabitjen e mandatit të fituar dhe të konfirmuar të Profesor Sabri Laçit./CityNews

 





Lajmet e fundit nga