E fundit!

19:36 Aktualitet

"Nuk kemi asnjë pikë takimi me Librazhdin"/ Qyetarët e Prrenjasit në protestë kundër planit për "Territorialen"

Qytetarët e Përrenjasit po zhvillojnë ditën e sotme një pr...

Shqipëri-Libi, bum në shkëmbimet tregtare

11 Dhjetor 2017, 11:05, Aktualitet CNA

Viti 2017 ishte një vit i mbarë për shumëfishimin e marrëdhënieve tregtare Shqipëri-Libi. Shqipëria ka një bilanc tregtar pozitiv në import-exportet me Libinë. Ne kryesisht kemi importuar sasi prej dhjetëra mijëra tonësh skrapi nga Libia.

Pasi ish-kryeministri Berisha ngriti alarmin, që nga Libia vjen skrap i kontaminuar në Shqipëri, Kompania Kurum ndërpreu importin e skrapit libian për të filluar importin e skrapit nga Turqia dhe Gjermania. Për më shumë në linkun: http://www.citynews.al/2017/04/geishat-e-doganave-bejne-humor-anglez-me-skrapin-libian-ne-durres/1

Përsa i përket eksporteve shqiptare drejt Libisë në ballë qëndron cimentoja si ajo rifuxho edhe ajo në thasë e eksportuar qoftë me slinga qoftë me kontejnerë. Një tjetër mall i eksportuar drejt Libisë janë edhe cigaret e markës së mirënjohur egjiptiane ?Cleopatra?, por ama cigare ?Made in Albania?. Për të qenë më të saktë prodhuar në Librazhd, buzë Shkumbinit. Plot 8 (tetë) eksporte me cigare të tilla janë bërë nga Librazhdi drejt Portit të Mizuratës në Libi.

Për të kryer të tilla transaksione është përdorur metoda e ?triangolazione-s?. Malli eksportohet nga Shqipëria, ndërsa pritësi i mallit në dokumentacion është një kompani e quajtur ?Eques Group S.A. me zyra në ishullin West Cay Tortola në British Virgin Islands në Rajonin e Karaibeve. Faktikisht cigaret përfundojnë në Mizurata të Libisë në adresën: Al Mustaqbal Al Shuhadaa Street Al Mihmel Island.

Kuptohet këto janë vetëm marëdhënie tregtare shqiptaro-libiane të deklaruara. Përvec tyre kemi edhe përdorimin e porteve libiane nga anije me armatorë e pjesërisht ekujpazhe shqiptare për të kryer tranzite mallrash nga Libia drejt porteve të ndryshme në Detin Mesdhe. Kemi gjithashtu edhe importe dhe eksporte të padeklaruara zyrtarisht nga Shqipëria drejt Libisë dhe anasjelltas.

Shtimi i eksporteve shqiptare drejt Libisë është një tregues i qartë i gjallërimit të ekonomisë shqiptare si dhe përpjekjeve të biznesmenëve të suksesshëm shjqiptarë për të rritur fluksin e valutës, që hyn në Shqipëri nga të tilla eksporte dhe tranzite mallrash./ Gjergj Thanasi/ CityNews