web counter
LEXO PA REKLAMA!

SHKARKO APP

App Store
Google Play

E fundit!

x

Debati për Kryeprokurorin/ Rama do Lulin në tepsi

11 Dhjetor 2017, 14:38, Aktualitet CNA

Kryeministri Edi Rama, nuk heq dorë nga Lulzim Basha.

Sërish mëngjesin e sotëm Rama i ka kërkuar Bashës që të bëhen bashkë për të zgjedhur Kryeprokurorin.

Nga njëra anë Rama trumbeton se nuk ia ka nevojën se mund ta zgjedhë me votat e mazhorancës, ndërsa nga ana tjetër i kërkon që ta shfrytëzojnë këtë moment për të eksploruar çdo mundësi mirëkuptimi dhe për të dalë me një zgjedhje të mirëkuptuar mes palëve të kryeprokurorit të përkohshëm.

?Ne e kemi qartësisht mundësinë dhe të drejtën për ta zgjedhur kryeprokurorin e përkohshëm me shumicën që kemi në dispozicion, por ashtu si kishim mundësinë të hynim në zgjedhje pa i shtrirë dorën opozitës dhe nuk e shfrytëzuam atë në emër të diçkaje më të madhe që është interesi kombëtar?, është shprehur Rama, duke i kërkuar Bashës që të gjejë arsye të kapërcejë vetveten.

Po çfarë do të kapërcejë Basha, kur është bërë pjesë e paktit me Ramën dhe e skenarëve të tij që me marrëveshjen e 18 majit?

Por, kryeministri e do Lulzim Bashën të servirur në tepsi, ndaj e gjithë skema e ftesave të njëpasnjëshme, s?është gjë tjetër veçse një flluskë sapuni.

?I lutem shumë Lulzim Bashës ta dëgjojë mirë këtë mesazh dhe të marrë të gjithë përgjegjësinë e udhëheqjes së opozitës në drejtimin e duhur që është çelja e negociatave, janë proçes i gjatë, sa më shpejt të çelen aq më mirë është dhe për çdo forcë që aspiron të qeverisë këtë vend duke qënë sot në opozitë ?, është shprehur ndër të tjera kreu i qeverisë.

Ka qenë ky mezashi i Ramës për Bashën, pas ftesave të  njëpasnjëshme prej disa javësh.

Rama e do Bashën edhe në këtë proces, sepse është i pabezdisshëm si në çdo marrëveshje politike dhe se pret dhe ?ha? nga dora e tij çdo gjë i ofrohet.

Për më tepër, një situatë e tillë e paraqet Ramën, një politikan modern dhe europian në sytë e bashkësisë ndërkombëtare.

Risjellim në vëmendje pakon me disa nga ftesat e kryeministrit Rama për kreun e PD ?së, Lulzim Basha.

Me datë 6 dhjetor 2017, kryeministri Edi Rama ka ftuar kundërshtarin e tij politik Lulzim Basha për të gjetur një zgjidhje të përbashkët për Prokurorin e Përgjithshëm.

Në ftesën e bërë publike në rrjetet sociale Rama i ofroi Bashës një Pakt Kombëtar.

Ndërsa, më 7 dhjetor 2017, ditën kur kryeprokurorit në detyrë Adriatik Llalla i mbaronte mandati, Rama sërish e ftoi Bashën për të biseduar.

?Lulzim Basha mos prit të ta lexojnë të huajt Kushtetutën e vendit, po eja të flasim shqip për Shqipërinë, siç e kemi për detyrë nga ata që na zgjodhën?, thuhej në ftesën e radhës të Ramës.

Dhë sërish sot, Rama ka këmbëngulë për Lulin dhe përfshirjen e tij në proçesin e zgjedhjes së Kryeprokurorit.

Megjithëse Rama i ka votat në Kuvend si dhe ka marrë  mbështetjen nga shqiptarët 6 muaj më parë, ai kërkon që në tepsinë e pushtetit të tij të ketë Lulzim Bashën.

Ky i fundit njihet për pasionin dhe dëshirën e tij që ka për ?byrekun?, sidomos kur ai është me dy petë, sepse e provoi dhe e ndau me Ramën për disa muaj përgjatë dhe pas zgjedhve të 25 qershorit./CityNews

 





Lajmet e fundit nga