web counter
LEXO PA REKLAMA!

SHKARKO APP

App Store
Google Play

E fundit!

x

Nga Edison YPI/ Rroftë Bakllavaja

6 Dhjetor 2017, 09:40, Aktualitet CNA

Me arra. Pa arra. E hollë. E trashë. Me pak peta. Me shumë peta. Me tepsi dhe peta të rrumbullakëta. Me tavë dhe peta kuadratike. Me miell dyqani ose miell mulliri. Me miell vendi ose miell importi. Me vaj ulliri. Me gjalp. Me mjaltë.

E tëhollur dhe e pjekur për merak në shtëpi në sobë korenti, por më mirë druri. E pjekur pak, disi e bardhë. E pjekur mirë në ngjyrë rozë. E tëhollur dhe e pjekur me profesionalizëm në furrë te furrxhesha ose furrxhiu mjeshtër. Jo te furra te ura ku nuk të pyesin dhe e bëjnë si dinë vetë. As te furri te kthesa ku sapo e kanë mësuar zanatin.

Vetëm te furra e vogël e vjetër te fundi i rrugicës ku mjeshtërinë e pjekjes e kanë të trashëguar brez pas brezi dhe Bakllavanë ta bëjnë si ta dojë qefi. Ta hash Bakllavanë duke ngulur pirunin duke parë si rrëshqet sherbeti dhe si ndahen një nga një petat.

Jo vetëm për Vitin e Ri. Bakllavaja nuk hahet vetëm për Vitin e Ri. Bakllavaja hahet kur të hahet, kur të teket, kur të shkrepet. Sidomos në mbëmje vonë një thelë. Kur, si e ka thënë Doktoresha, që të buçasi fantazia sa të çuditet bota, të shpërthejë imagjinata sa të tundet dheu, të çahet qielli sa lotët ti rrjedhin, truri ka nevojë për energji. Rroftë Bakllavaja. Rrofshin thelat e ëmbëla në formë rombi./ CityNews





Lajmet e fundit nga