web counter
LEXO PA REKLAMA!

SHKARKO APP

App Store
Google Play

E fundit!

x

Elbasan/ Përroi i Zaranikës rrezik i vazhdueshëm për banorët

1 Dhjetor 2017, 21:14, Aktualitet CNA

Prej vitesh me radhë, banorët që jetojnë përreth Përroit të Zaranikës në Elbasan kanë ngritur shqetësimin për mungesën e investimeve në skarpatet e dëmtuara përgjatë shtratit të këtij përroi. 

Ndërkohë që vendi është në emergjencë për sa i takon përmbytjeve, zërit të qytetarëve i është bashkangjitur edhe kryetari i bashkisë Elbasan, dhe kjo nuk është hera e parë.

Për Fiks Fare ai deklaroi se kanë më shumë se 10 vjet që i bëjnë kërkesa pushtetit qendror, Ministrisë së Bujqësisë, Pyjeve dhe Administritimit të Ujrave për investime në këtë basen ujor. Kërkesa që kanë mbetur pa përgjigje. 

“Projektet në Ministri janë gati por nuk është investuar. Janë bërë vetëm tendera te vegjël por që nuk kanë sjellë ndonjë përmirësim të dukshëm. Vetëm për shtratin e përroit, pa llogaritur digën, duhen me shumë se 1 milion euro buxhet. Bashkia Elbasan e vetme e ka të pamundur.”- shtoi kryetari.

Gjithashtu ai shprehu shqetësimin që ky përrua është një rrezik i vazhdueshëm, jo vetëm për lagjen “Dyli Haxhire por për të gjithë qytetin. Sipas tij ky basen ujor u fut në inventarin e Bashkisë Elbasan pa e pyetur këtë të fundit.

Ai gjithashtu falenderoi emisionin Fiks Fare, pasi është i pari dhe i vetmi që e ka ndjekur për vite me radhë këtë shqëtësim të madh të qytetit të Elbasanit.
“Ju e keni filmuar dhe fotografuar vet, shpresoj që zëri juaj të dëgjohet edhe në qeveri”- theksoi Sejdini.





Lajmet e fundit nga