web counter
LEXO PA REKLAMA!

SHKARKO APP

App Store
Google Play

Bomba e ish oficerit të drogës/ Policia u jepte farën e kanabisit trafikantëve

26 Tetor 2017, 11:43, Aktualitet CNA

Në një intervistë të dhënë për “Gazetën Shqiptare”, ish-agjenti i Antidrogës në Drejtorinë e Policisë Fier, Antonio Nazeraj  tregon vijimin e situatës së vështirë që hasi pas denoncimit të Habilajve duke bërë një denoncim ?bombë?.

Antonio Nazeraj tregon se si ua shpërndanin shefat e policisë trafikantëve farën e kanabisit duke përfituar 30%.

Gjithashtu ai tha se ka qenë një bord i mafias, që mblidheshin një herë në muaj me eprorët e Policisë së Shtetit dhe trafikantëve të drogës.

?Këta ndanin detyra dhe linin detyra, krimi merrte detyrat, që u linin këta krerët e lartë të policisë, ndanin edhe pjesën e tepsisë më saktë, se sa ishte gjoba, sepse kjo ishte pothuajse një gjobë kundrejt trafikantëve të drogës, ishte edhe gjobë edhe ndarje detyrash mes tyre, ndarja e detyrave dhe hapja e rrugës për trafikun e drogës.?- shprehet ish-oficeri Nazeraj.

Gjithashtu ish-oficeri i policisë thotë se ka pasur edhe shpërblime për hapjen e rrugëve të trafikut të drogës me skaf dhe avionë të vegjël, por që filloi edhe kultivimi i kanabisit, në masë të gjerë.

?Farën e binin direkt eprorët e Policisë së Shtetit dhe u ndanin trafikantëve. Ishte fara direkt, nga eprorët e policisë së shtetit dhe ju ndahej trafikantëve të zonës.?- deklaron Nazeraj.

Ndër të tjera ai thotë se, aty nuk bëhej fjalë për policë se ata nuk kishin mundësi të ngrinin krye.

?Po e përsëris kjo bëhej nga eprorë të lartë të Policisë së Shtetit, zinxhiri i policisë, nga qendra dhe kjo farë pastaj ndahej për trafikantët dhe kultivuesit e lëndëve narkotike?- tha ish-shefi i drogës./ CityNews





Lajmet e fundit nga