web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PD-së: Rama së bashku me "gëzimin" humbi edhe fillin

25 Tetor 2017, 19:35, Aktualitet CNA

Deputeti i Partisë Demokratike, Luçiano Boçi, ka reaguar pas sulmit dhe fyerjeve që kreu i qeverisë Edi Rama, ka bërë ndaj gazetarëve.

Me anë të një postimi në rrjetet sociale, Boçi shprehet se “Rama e ka humbur fillin…
Ka degraduar si ai personazhi në librat për fëmijë:
?Ujku që ka humbur gëzimin? (Tahirin).
I cili i ulërinte, i gërmushesh, i vendoste gishtin e fajtorit cdonjërit që i dilte përpara, duke e akuzuar se ai ishte rrëmbyesi i gëzimit të tij.
Dhe Rama në fillim iu lëshua opozitës, pastaj prokurorëve e në fund iu turr gazetarëve të thjeshtë, duke iu kthyer instiktit të vjetër për to kur i shante sade, atëkohë kur për konkurrencë e për pak vëmendjen e tyre dilte me sëpatë në dorë.”

Në vijim Boçi shkruan, se ndonëse ky sulm ngjalli revoltë, kjo nuk është hera e parë që Rama bëri diçka të tillë dhe ndonëse u solidarizua me gazetarët, sërish gazetarët nuk janë plotësisht media, por posedojnë shumë të vërteta.

“Por, megjithëse fjalët e tij sot për gazetarët ngjallën revoltë, nuk them se ngjallën habi; Rama ka kohë që i përçmon, përqesh e stigmatizon gazetarët.
Megjithëse krijuan një vijë solidariteti ndër gazetarë, ende nuk kanë krijuar një bllok të së vërtetës; Gazetarët tek ne ende nuk janë plotësisht media, por ama posedojnë shumë të vërteta”, – shprehet Boçi.

Sipas Boçit Rama është në të tillë situatë, për shkak se ai ka humbur gëzimin (Tahirin).

“Frika e Ramës për gëzimin e rrëmbyer qëndron pikërisht tek fakti
se kjo media e ?tavolinave? e gazetarëve, diku në bisedë, diku online, diku në Opinione profesioniste, si alternativë e kundërt e medias së kontrolluar made in ERTV, po ia thotë me mijëra mënyra: me pyetje, me mimikë, me gjeste se ai është tashmë duke u rrokullisur.
Ujku i dikurshëm që nënqeshte kur fuste këmbën me miell për të gënjyer ?kecat?, tani me kokën e madhe përpara është ujku që nuk sheh enët që po thyen.
….i kanë rrëmbyer gëzimin e….pushtetit pra!!!!”, – përmbyll Boçi. /CityNews





Lajmet e fundit nga