web counter
LEXO PA REKLAMA!

SHKARKO APP

App Store
Google Play

E fundit!

x

Statusi i minatorit/ Spahiu: Drafti nga nesër në komisione

3 Tetor 2017, 10:47, Aktualitet CNA

Pas përfundimit të mbledhjes së grupit parlamentar të Lëvizjes Socialiste për Integrim, në një dalje për mediat Përparim Spahiu ka folur në lidhje me draftin për minatorët.

Sipas Spahiut punonjësit e nëntokës duhet të kenë pozita të barabarta.

Gjithashtu Spahiu është shprehur se drafti për statusin e minatorëve nga nesër do të çohet në komision.

Ndër të tjera, Spahiu shtoi se kërkon dhe bashkëpunim për përmirësimin e ligjit për statusin e minatorit.

Spahiu deklaroi se ?Këta punonjës janë kontribuues themelorë të ekonomisë. Punonjësve të nëntokës duhet tu jepet sa të tjerëve. Nisma është depozituar në muajin mars, por nuk u mor në shqyrtim muajin e kaluar. Ne jemi të hapur për çdo bashkëpunim. Drafti për statusin e minatorëve nga nesër në komisione.?

Fjala e plotë e Spahiut:

Po prezantoj sot para jush, nismën time dhe të deputetëve të grupit kuvendor të LSI për statusin e minatorit.

Çfarë është ky ligj?

Një trajtim dinjitoz për rreth 21,000 minatorë në gjithë vendin, që kontribuan më shumë se kushdo tjetër në ekonominë kombëtare të 70 viteve të fundit. Industria e nxjerrjes së mineraleve, ishte dhe mbetet ende zemra e industrisë shqiptare dhe kontribuese kryesore në të ardhurat kombëtare në vite.

Ky projektligj është një zbutje e pabarazisë sociale ndërmjet shqiptarësh që kanë kontribuar në ekonominë e vendit. Projekti bën fjalë për punonjës të nëntokës që çdo ditë të jetës së tyre, janë ndarë me familjarët e tyre si për ditën e fundit të jetës. Disa për fat të keq nuk u kthyen dot. Këta punonjës janë kontribues themelor në ekonominë tonë, ndërkohë që zyrtarë e aparatçinj, kontributi i të cilëve ishte modest ( për të mos thënë s?kishin fare kontribute) shteti i trajtoi dhe i trajton shumë më mirë.

Kjo quhet PABARAZI!

Projekti synon ta shuaje këtë pabarazi. Nuk kërkohet ti hiqen përfitimet të tjerëve, por tu jepen edhe punonjësve të nëntokës të paktën sa të tjerët. Pra, vendosjen në pozita të barabarta.

Ky ligj, nuk është gjë tjetër veçse mirënjohje për kontributin e këtij profesioni të vështirë. Shoqëria shqiptare duhet ti jetë mirënjohëse minatorëve që për vite e dekada mbajtën ?gjallë? ekonominë tonë.

Nisma është depozituar në muajin Mars, por për fat të keq u bllokua dhe nuk u mor ne shqyrtim në legjislaturën e mëparshme.

Është punuar me specialist, ekspertë, grupe interesi, minatorë, familjet e tyre dhe është drafti qe kemi për diskutim duke filluar nga dita e nesërme në komisionet përkatëse.

Ne jemi të hapur të bashkëpunojmë për çdo përmirësim të arsyeshëm që do të lindte nga diskutimi në Kuvend si dhe pas opinionit që qeveria do të jepte për efektet financiare./ CityNews





Lajmet e fundit nga