web counter
LEXO PA REKLAMA!

SHKARKO APP

App Store
Google Play

E fundit!

x

Polica shqiptare edhe kur kap një ton drogë bën gafa

20 Shtator 2017, 12:17, Aktualitet CNA

Një aksion i suksesshëm i policisë shqiptare kapi në det afer Plazhit të Semanit një velier me një ngarkesë droge (kanabis sativa) me peshë prej më së paku një toni. Pavarësisht të korrava të jashtëzakonshme të kanabisit në Shqipëri një ton kanabis i kapur, ndonëse nuk është sasi rekord. është padyshim një sukses jo i vogël për policinë shqiptare.

Fatkeqësisht policia jonë edhe kur ka suksese nuk rri dot pa bërë gafa, që e zbehin sadopak suksesin në fjalë. Në këtë kontekst kemi deklaratën e Policisë së Shtetit, ku thuhet se droga e kapur në Velierin ?Nano Nini? (ka shumë të ngjarë, që emri i velierit të jetë i gabuar) me flamur italian?.. Fatkeqësisht flamuri i velierit të drogës sic duket edhe në foto ka tre ngjyra: e kuqe, e verdhë dhe blu. Flamuri italian ka tre vërtet tre ngjyra, por ato janë: e kuqe, blu dhe e bardhë, pra nuk ka ngjyrë të verdhë. Të vetmit flamurë që kanë tre ngjyra: të kuqe, të verdhë dhe blu janë flamurët e Cadit dhe të Rumanisë. Lexuesi fare mirë mund të krahasojë vetë fotot e flamurëve përkatës dhe të arrijë në të njejtin konkluzion për gafën në njoftimin për shtyp të policisë.

Nuk i falet personave, që merren me marëdhëniet me publikun në policinë shqiptare, që mos të njohin as flamurin e Italisë fqinjës, aleates dhe mikes së Shqipërisë. Për shkak të marëdhënieve shumë të ngushta, prej 26 vjetësh të policisë shqiptare me organet ligjzbatuese italiane, kjo gafa me ngatërrimin e flamurit italian edhe mund të evitohej xhanëm!!!!

Fotoja e pare eshte e velierit ku duket flamuri me tre ngjyra perfshire edhe te verdhen!

Fotoja e dyte eshte e flamurit italian

Fotoja e trete eshte e flamurit te cadit

Fotoja e katert eshte flamurit rumun. /CityNews

 





Lajmet e fundit nga