Përplasja me policinë në Elbasan/ Audi 100.000 € që goditi policët në pronësi të biznesmenit të njohur

19 Shtator 2017, 13:25, Aktualitet CNA

Tre persona janë vënë në pranga nga policia e Elbasanit pas një përplasjeje që ka ndodhur dje në këtë qytet ku u godit makina e efektivëve të policisë.

Gjithashtu mësohet se është shpallur në kërkim biznesmeni i njohur Petrit Çela, pronar i tregut agro-ushqimor në këtë qytet.

Ka qenë në pronësi të Çelës edhe Audi A8 i blinduar me të cilin u godit automjeti i policisë.

Megjithatë nga informacionet e para mësohet se në drejtim të Audit ka qenë djali i biznesmenit, Suel Çela.

?Në momentin që një prej mjeteve po shoqërohej nga grupi Shqiponjat dhe nga një Patrullë Policie, një mjet tip ?Audi? vjen me shpejtësi duke rrezikuar jetën e punonjësve të policisë dhe godet mjetin e Policisë me targa MB 002 AA. Më pas mjeti që goditi mjetin e Policisë u fut në Tregun Ushqimor që është në pronësi të Çelës. Mjeti tip ?Audi? dyshohet se është i blinduar?, njoftoi sot policia.

I pari që ngriti akuzë për ngjarjen ishte kreu i PD-së Lulzim Basha. Ai tha se policia është goditur nga dhëndri i kryebashkiakut të Elbasanit, Qazim Sejdini duke publikuar edhe mesazhin e një qytetari.

?Kur krimi i veshur me pushtet dhunon vetë policinë, vettingu duhet të nisë nga kryeministri, ministri i brendshëm e kryebashkiakët të bërë njësh me bandat: ?Kryetar mirëmbrëma. Sot në Elbasan dhëndri i Qazim Sejdinit, Sokol Sanxhaktari me Suel Celën me makinë të blinduar kanë goditur makinën e zv.drejtorit te policisë Elbasan. Kjo pasi një pikë kontrolli ka kontrolluar disa ushtarë të tyre?.?, shkruante Basha.

Makinat e sekuestruara
Mjeti tip ?Audi? me targa AA 862 OI në pronësi të shtetases E.Xh
Mjeti tip ?Range Rover? me targa AA 040 OJ në pronësi të shtetasit P.Ç
Mjeti tip Golf me targa AA 097 SA në pronësi të shtetasit E.H
Mjeti tip ?Toyota? me targa AA 814 GN, i dyshuar i blinduar në pronësi të shtetasit G. N
Mjeti tip ?Audi?? A8 i dyshuar i blinduar me targa AA 478 PV në pronësi të shtetasit P.Ç.
Mjeti tip ?Audi? A8 i dyshuar i blinduar, me targa AA 795 EP në përdorim nga P.Ç
Mjeti tip ?Golf? me targa AA 637 KD, në pronësi të shtetasit A. M.
Policia e Shtetit bën të ditur se po vijojnë veprimet për dokumentimin e plotë të kësaj ngjarjeje, si dhe vijojnë kontrollet për kapjen e drejtuesit të mjetit që goditi Policinë.

/Citynews