web counter
LEXO PA REKLAMA!

SHKARKO APP

App Store
Google Play

E fundit!

x

Komisioni ndërkombëtar që do mbikqyrë SPAK-un dhe Byronë e Hetimit

8 Shtator 2017, 14:30, Aktualitet CNA

Përfaqësitë e dy partnerëve tanë ndërkom bëtarë, Shtetet e Bashkuara të Amerikës dhe Bashkimi Evropian kanë nisur përgatitjet për ngritjen e Strukturës Speciale Antikorrupsion(SPAK) dhe Byrosë Kombëtare të Hetimit (BKH).

Në ligjin përkatës, raporton gazeta ?Sot? ka një përcaktim interesant në dispozitat kalimtare, ku thuhet se në Tiranë do ngrihet një Komision përkatës me përfaqësues nga SHBA e BE, që do të asistojnë në ngritjen e SPAK dhe BKH. ?Një komision i përbërë nga ekspertë të drejtësisë penale, të caktuar nga misionet e Bashkimit Europian dhe Qeverisë së Shteteve të Bashkuara të Amerikës në Shqipëri, do të japë udhëzime dhe këshilla për themelimin dhe zhvillimin e Byrosë Kombëtare të Hetimit, për një periudhë 2-vjeçare, duke nisur nga momenti i themelimit të kësaj Byroje. Komisioni i Pavarur i Rishikimit vëzhgon në mënyrë aktive procesin e rekrutimit dhe trajnimit të punonjësve të Byrosë Kombëtare të Hetimit, si dhe miraton materialet e trajnimit të hetuesve dhe Drejtorit të Byrosë Kombëtare të Hetimit?, thuhet në nenin 57.

Por kush do jetë në përbërje të këtij komisioni? Përgjigjja është dhënë gjatë diskutimeve të ligjeve të reformës. Eksperti i SHBA, Jon Smibert ka thënë se pjesë e këtij komisioni do ketë një agjent të FBI, një atashe ligjor dhe një përfaqësues të ICITAP.

?Kjo është pjesë e pritshmërisë, që SHBA dhe BE ka pasur për formimin e BKH, sidomos për sa i përket financimit të SHBA, ky komision do të ndihmojë. E di se një prej personave do të jetë nga FBI, atashe ligjor dhe përfaqësues i ICITAP. Kështu që Komisioni i Rishikimit apo Komisioni i Monitorimit, sido që ta quani këtë… Propozimi pra, ka qenë që të japë ndihmën e vet në drejtimin dhe të japë një mbikëqyrje ndërkombëtare mbi BKH?, ka thënë ai. Sipas burimeve, aty do ketë përfaqësues dhe nga EURALIUS dhe PAMECA.

Sa i takon bashkëpunimit me FBI, eksperti ka thënë se një marrëveshje specifike është e pamundur të arrihet, por do operohet përmes marrëveshjeve aktuale./CityNews





Lajmet e fundit nga