web counter
LEXO PA REKLAMA!

SHKARKO APP

App Store
Google Play

E fundit!

x

Skandali me reklamën e UET/ Përçudnohet sistemi i maturës shtetërore

8 Shtator 2017, 12:17, Aktualitet CNA

Një skandal i vërtetë mund të cilësohet ajo që po ndodh me sistemin e regjistrimit të studentëve që sapo kanë dalë nga Matura Shtetërore e këtij viti.

Nga një informacion që është shpërndarë në rrjete sociale nga disa pedagogë dhe studentë mësohet se Universiteti shtetëror  është duke kryer një procedurë skandaloze me regjistrimet e studentëve.

Pas futjes së universiteteve private në të njëjtin sistem si universiteti shtetëror, tashmë janë universitetet private ato që po përfitojnë.

Duke qenë se ekziston një zonë gri dhe e kuqe në renditjen e studentëve në degët përkatëse në të cilat ata kanë aplikuar, universitetet private përfitojnë nga kjo situatë dhe bëjnë thirrje për regjistrim tek to, pasi sipas tyre studenti mund të hyjë në shkollë edhe pse nuk e ka emrin në listën e fituesve.

I pari Universitet që ka përfituar nga një skemë e tillë e shëmtuar në kurriz të universiteteve të tjera dhe vetë studentëve dhe xhepave të tyre është Universiteti Europian i Tiranës që ka bërë në rrjete sociale thirrjen e mëposhtme.

Kanë qenë pikërisht disa studentë dhe pedagogë në rrjete sociale që kanë denoncuar hapur këtë praktikë mashtrimi dhe shfrytëzimi tipik të sistemit.

“E fute që e fute privatin në të njëjtin sistem regjistrimi si shtetërorin? Tani le ta nxjerrim pak nga rregullat, se nuk ka ndonjë gjë. Shikoni këtë foto, UET thotë se edhe nëse të ka dalë dega me gri (i paregjistruar nga faza paraardhëse, pra humbur e drejta për regjistrim) ose e kuqe (që nuk e kap dot as këtë radhë), ti sërish mund të hysh, madje shih se të ka dalë emri në listë.

Kur Universiteti bëhet një vend ku të nxjerrësh fitime dhe jo realisht vend për dije, do ndodhin përçundnime të tilla të shëmtuara. E askush nuk flet. Media ku? Ku u fut, ku u zhduk?,- shkruan studentja Adela Radovani.
Praktikisht edhe pse gati të gjithë aplikantët i ka në zonën gri, që s’mund të regjistrohen, ka mjeshtra që të regjistrojnë, madje edhe duke e shpallur si pjesë e reklamës përkatëse, në shkelje të ligjit.

 

Një praktikë e tillë është absolutisht e ndaluar edhe në procedurat zyrtare të publikuara nga ministria e arsimit dhe e sportit.

Në pikën C këtij formulari në pikat 2 dhe 3 bëhet e qartë:

2.Periudha 29 gusht deri në 11 shtator është e ndarë në 7 faza 48-orëshe. Secili aplikant ndjek ecurinë e procesit të shpalljes fitues të tij në njërin apo disa programe studimi nga ato që ka përzgjedhur në formularin e aplikimit.

3.Kur ai është shpallur fitues, duhet të paraqitet pranë IAL-së ku dëshiron të regjistrohet brenda afatit 48-orësh. Nëse aplikanti nuk regjistrohet brenda afatit 48-orësh, ai humbet të drejtën e regjistrimit, në ato programe studimi ku ishte shpallur fitues në atë fazë.

Për ndjekjen e ecurisë së procesit të shpalljes së fituesve gjatë 7 fazave 48-orëshe MAS dhe QSHA do të publikojnë një Udhëzues Teknik në faqet përkatëse zyrtare.

 

/Citynews





Lajmet e fundit nga