Paralajmëron Rama/ “Bizneset e bregdetit do t’i detyrojmë për pastrimin. Bashkojmë drejtoritë”

7 Shtator 2017, 07:41, Aktualitet CNA

Kryeministri Rama në bashkëbisedimin e tij me gazetarët mëngjesin e sotëm përpos temës së drogës, të kthyer në një gangrenë për Europën, ka folur edhe për një sërë problematikash të tjera të vendit tonë.

Për pastrimin e bregdetit Rama tha se do të bashkëpunohet me bashkitë dhe ato do të ndihmohen, ndërkohë që sa i përket emergjencave civile tha se do të ketë një ristrukturim të tyre.

Më poshtë janë të renditura disa prej detajeve të fjalës së Ramës për të gjitha temat.

PASTRIMI I BREGDETIT

Bashkitë nuk mund të patrojnë me efikasitet bregdetin, pasi taksa që ato mbledhin është në proporcionalitet me popullsinë.

Dhe ardhja e turistëve në zona bregdetare ua bën atyre të pamundur pastrimin e plotë. Prandaj ne do t?u shkojmë në ndihmë atyre.

EMERGJENCAT CIVILE

Bashkive u ka kaluar një e drejtë administrimi pyjesh, por jo të luftojnë me zjarret. Prandaj ne do të bëjmë një ristrukturim të plotë të tyre. Do t?i kalojmë te Ministria e Mbrojtjes. Që tani do punojmë për një aspekt ligji që nuk zbatohet që është fakti se në raste të tilla duhet të angazhohet edhe popullata, duke vënë disa nivele detyruese. Dhe më pas do të shohim si do të jetë rezultati. Atëherë besoj do të jetë më në kontroll situata. Ata që janë hetuar dhe gjykuar për vendosje të qëllimshme zjarresh, të marrin dënimet e merituara sepse nuk mund të luajnë më.

TURIZMI

Do të kërkojmë tani e tutje që të gjitha hotelet deri në maj të vendosin dokurator të ujërave të zeza. Nuk do të lejohen më gropat septike nga hotelet. Nuk është investim i madh, por i arsyeshëm. Kur janë komplekse është më e shtrenjtë, por ne do t?ua bëjmë të qartë detyrimin, sepse në të kundërt nuk do të kenë mundësi të hapin derën.

ADMINISTRATA

Kemi një administratë të vogël në krahasim me vendet e tjera. Shumë drejtori janë kot ose janë gjysmake. Për shkak se janë krijuar në funksion të zgjerimit të partive në sistem. Bashkimi i tyre vetvetiu bën më shumë kompaktësi dhe të realizimit të detyrave më mirë.

RROGAT E MJEKËVE

Do të bëjmë një rritje të rrogave për mjekët që punojnë jashtë Tiranës. Rrogat e atyre që punësohen jashtë Tiranës do të arrijnë nivelin e pagës jashtë vendit.

Mbytjet e shtetasve, mungesa e rojeve bregdetare

Shumica e tyre nuk kanë qenë për shkak të rojeve bregdetare, kjo pasi shumica e mbytjeve kanë ndodhur në plazhe që nuk kanë qenë të lejuara. Nuk është faji i rojeve të plazhit për rastet kur bienë infrakte

/Citynews