web counter
LEXO PA REKLAMA!

SHKARKO APP

App Store
Google Play

E fundit!

x

Foto/ Të vërtetat e pathëna mbi injektimet e buzëve

2 Shtator 2017, 19:20, Aktualitet CNA

Fajësoni Kardashianët ose trendet e vazhdueshme të Instagram-it, por injeksionet e buzëve janë sensacioni i momentit dhe duket se nuk do të zhduket për një kohë shumë të gjatë.

Kjo procedurë ambulatore e kryer nga një kirurg plastik po bëhet gjithnjë e më e zakonshme, por kjo nuk do të thotë se nuk është pa rrezik.

Nga enjtjet e përkohshme në vdekjen e përherëshme të indeve, ka shumë më tepër të vërteta mbi injeksionet e buzëve sesa kemi dëgjuar.

Para se të mendoni të shkoni të kryeni një ndryshim kaq të madh me pamjen tuaj, sigurohuni që të mblidhni të gjitha faktet.

Injektimet e buzëve mund të shkaktojnë dëme të indeve

Çdo herë që injektoni një substancë të huaj në trupin tuaj, ekziston rreziku i dëmtimit. Për buzët tuaja, një injeksion mund të shkaktojë edhe dëmtime të indeve deri në vdekje të tyre.

Shumë nga efektet anësore janë të përkohshme

Për fat të mirë shumica e efekteve anësore të mundshme që shkaktojnë injeksionet e buzëve janë të lehta dhe të përkohshme. Rreziqet e tjera të zakonshme përfshijnë skuqje, enjtje dhe mpirje, por ato janë të përkohshme dhe zakonisht zgjasin vetëm për disa ditë.

Injeksionet zgjasin gjashtë deri në nëntë muaj

Kjo mund të tingëllojë naive, por shumë njerëz mendojnë se injeksionet mbi buzë janë një procedurë e përhershme. Megjithatë, në të vërtetë ato zgjasin më pak se një vit. Shumica e mbushësve të zgjasin gjashtë deri në nëntë muaj për shkak të lëvizjes së shpeshtë të buzëve.

Buzët e ?rosës? nënkuptojnë që diçka ka shkuar keq

Ju nuk do ta kuptonit nga selfiet e njerëzve të famshëm, por buzët e rosës janë në të vërtetë një aksident. Asnjë injektim i buzëve nuk ka për qëllim të krijojë atë formë. Buzët e rosës janë rezultat i një vendosjeje të gabuar të mbushësit.

Ju mund ti bëni buzët tuaja më të plota me metoda alternative  

Pra, çfarë duhet të bëni nëse jeni të interesuar për të pasur buzë të plota, por nuk doni të kryeni ndërhyrje me injektime? Ka disa ide alternative për t’u provuar para se t?i drejtoheni gjilpërës. Opsionet më pak invazive përfshijnë përdorimin e buzëkuqëve të mirë të cilët i bëjnë buzët tuaja të duken më të plota, vajrave, balsamet apo dhe zbutësit e buzëve.

Injeksionet mund të shkaktojnë reaksione alergjike

Ashtu si me çdo procedurë mjekësore, mund të përjetoni një reaksion alergjik ndaj injeksioneve të buzëve. Është e rrallë, por duhet të merret parasysh./CityNews





Lajmet e fundit nga