web counter
LEXO PA REKLAMA!

SHKARKO APP

App Store
Google Play

E fundit!

x

Kërcënimi ndaj Fugës/Deputeti i PD: Kalon çdo imagjinatë, eunukët i tremben ...!

30 Gusht 2017, 13:49, Aktualitet CNA

Deputeti i Partisë Demokratike, Luçiano Boçi, ka reaguar për kërcënimin që i është bërë Akademikut Artan Fuga.

Boçi shkruan në rrjetet sociale se gjatë kësaj kohe kemi dëgjuar për gjithëfarëlloj kërcënimesh, por kjo që i ka ndodhur prof. Fugës kalon çdo imagjiantë.

Sipas tij, të kërcënohesh sepse kërkon reformimin e shkencës dhe mirëfunksionimin e Akademisë, sepse kërkon të kontribuosh për këtë, është fundi i një organizimi shtetëror, të cilit i ka ngelur vetëm skeleti banditesk.

Reagimi i deputetit Boçi:

FUGA DHE EUNUKET
Përgjatë kësaj kohe kemi dëgjuar për gjithfarëlloj kërcënimesh. Është koha e tyre në fakt, pothuaj si kohë kolere kjo. Për politikë e për cështje personale. Për prona, për FCB-ra, për gazeta, për kanabis e për më the e të thashë. Në parlament, në Universitet, në rrugë, në kafe, në zyra, spitale e kudo.
Kërcënimi tek ne ka fituar statusin e normalitetit në fakt. Por kjo që i ka ndodhur prof. Fugës kalon cdo imagjinatë.
Të kërcënohesh sepse kërkon reformimin e shkencës dhe mirëfunksionimin e Akademisë, sepse kërkon të kontribuosh për këtë, është fundi i një organizimi shtetëror, të cilit i ka ngelur vetëm skeleti banditesk.
Fobia ndaj njerëzve të dijes është esenca e pushtetit politik t? këtij vendi. Eunukët e shkencës i tremb liria e mendimit dhe performanca profesionale e prof Fugës!/CityNews





Lajmet e fundit nga