web counter
LEXO PA REKLAMA!

SHKARKO APP

App Store
Google Play

E fundit!

x

Vijon replika në distancë/Ministrja e Ramës ia kthen ashpër Bashës: Kjo është mjerane!

30 Gusht 2017, 13:42, Aktualitet CNA

Ministrja e Arsimit, Lindita Nikolla, i është përgjigjur menjëherë kreut të Partisë Demokratike, Lulzim Basha, mbi debatin për çmimin e teksteve shkollore.

Në rrjetet sociale, ministrja e rikonfirmuar edhe në mandatin e dytë qeverisës të kryeministrit Edi Rama, shkruan ndjehet e keqardhur që Basha iu kundërvu me deklaratën e partisë së tij, pas ftesës së saj për takim.

Më tej, ministrja e akuzon kreun demokrat për injorancë, duke u shprehur se nuk ka qenë ajo që ka vendosur çmimet e teksteve.

Reagimi i plotë i Nikollës:

?E keqardhur, që pas reagimit tim, me respekt e predispozitë të plotë, ndaj shqetësimit të tij, lidhur me tekstet shkollore, zoti Basha më kundërvihet me deklaratën e partisë së tij.
Zoti Basha, deklarata juaj flet për injorancë. Pyetja që unë shtroj është se, ku është dija juaj, kur thoni se edhe çmimin e teksteve e paskam vendosur unë?

Kjo është për të qeshur!
Deklarata juaj flet për indiferencë në proces. Pyetja që unë shtroj është se, ku ishte vëmendja e të zgjedhurës suaj, që prej 3 muajsh u mor me gjithçka në detyrën e ministres se arsimit (deri edhe me yjet e hoteleve ku u akomodua në vizita zyrtare) dhe në asnjë moment me këtë proces që të informoheshit dhe ju bazuar mbi fakte.
Kjo është mjerane!
Deklarata juaj ripërsërit qëndrimin tuaj se, tekstet shkollore janë falas për të gjithë në të gjithë rajonin. Lidhur me këtë, nuk e kuptoj se ku është vëmendja juaj, kur akoma nuk e dini se kjo nuk është e vërtetë. Kjo është për të qeshur!
Sa për këshillën që me jep partia juaj, që unë të lë kolltukun e zyrës dhe të takoj prindërit, kjo pastaj është vërtet sa për të qarë e aq për të qeshur. Sepse, ju zoti Basha, nuk e dini as faktin që unë nuk jam aktualisht ministre e arsimit, ministre është ende e zgjedhura juaj. Pa dashur t?ju rëndoj duke jua kujtuar këtë, dua vetëm t?ju lutem t?i lini sulmet, akuzat e fyerjet e llojit të vjetër.
Unë jam gatshme, sapo të marr detyrën, t?ju takoj dhe të bashkëpunoj me ju, për të folur për arsimin dhe jo për njeri-tjetrin./CityNews





Lajmet e fundit nga