web counter
LEXO PA REKLAMA!

SHKARKO APP

App Store
Google Play

Basha vijon sulmet ndaj qeverisë/Jepni falas tekstet shkollore, mjaft me luks e fasada

29 Gusht 2017, 13:11, Aktualitet CNA

Kryetari i Partisë Demokratike, Lulzim Basha, ka vijuar edhe sot sulmet ndaj qeverisë në lidhje me çmimin e teksteve shkollore.

Për të dytëin ditë radhazi, kryedemokrati Basha bën thirrje që librat e nxënësve të jepen falas, ndërsa denoncon radhët e gjata të prindërve dhe nxënëse për të marrë tekstet.

“Mijëra prindër dhe nxënës vazhdojnë radhët e gjata për tekstet shkollore anembanë vendit. Jemi vendi i vetëm në rajon ku librat për shkollimin e detyrueshëm jo vetëm nuk jepen falas, por janë shtrenjtuar cdo vit.
Dy shembuj: paketa e librave të detyrueshëm për klasën e parë është shtrenjtuar me 33% këto 4 vjet, nga 11 mijë e 790 lekë në vitin shkollor 2012-2013 në 17 mijë e 760 lekë në vitin shkollor 2015-2016.
Për të njejtën periudhë, paketa e librave të detyrueshëm për klasën e gjashtë është rritur me 23 për qind, nga 38 mijë e 70 lekë në 48 mijë e 920 lekë.
Kjo rritje cmimesh ka rritur barrën ndaj prindërve e cila rëndon edhe më shumë sepse të ardhurat reale mesatare të familjeve shqiptare kanë rënë prej inflacionit dhe ngrirjes së pagave.
Shpërfillja e arsimit është dëm i pariparueshëm për të ardhmen e vendit. Librat për arsimin e detyrueshëm duhet të jepen falas dhe të shpërndahen nga vetë shkollat. Për këtë, mjafton që qeveria të investojë për libra dhe mjete shkollore paratë që con për fasada ministrish dhe luks qeveritarësh”, shkruan Basha në rrjetet sociale./CityNews





Lajmet e fundit nga