E fundit!

17:51 Aktualitet

Helmimi i studentëve/ SORI-AL: Asnjë konfirmim nga institucionet, kush mban përgjegjësi për dëmin ndaj biznesit

Kompania SORI-AL përmes një deklarate zyrtare bën me dije ...

Kosovë- Sulmohet fizikisht bashkëshortja e ministrit, përfundon në spital

28 Gusht 2017, 15:40, Aktualitet CNA

Bashkëshortja e ministrit të zhvillimit ekonomik në Kosovë, Blerand Stavileci(ne foto) është sulmuar fizikisht nga 2 persona të panjohur në lagjen Veternik në Prishtinë.

Mediat e Kosovës duke iu referuar policisë kanë bërë me dije se ka mbetur e plagosur nga sulmi Vitore Metaj Stavileci, e cila ka përfunduar në Qendrën Klinike Universitare të Kosovës, për të marrë mjekimin e duhur.

Ngjarja ndodhi mesditën e sotme rreth orës 14:00 dhe policia ka bërë me dije se është vendosur menjëherë në ndjekje të autorëve të mundshëm si dhe ka filluar marrjen e informacionit nga dëshmitarë të mundshëm në vendngjarje.

?Sot rreth orës 14:00, policia ka marrë informacionin se në lagjen Veterrnik në Prishtinë, një femër është sulmuar fizikisht nga persona të dyshuar. Bëhet fjalë për viktimën: Ø V. S femër, shtetase e Republikës së Kosovës, e cili ka pësuar lëndime trupore dhe e njëjta është dërguar për tretman mjekësor, në Qendrën Klinike Universitare të Kosovës, (QKUK)? thuhet në njoftimin e policisë.

Për ngjarjen në fjalë kanë reaguar një sërë autoritetesh në Kosovë mes të cilëve gazetarja Arbana Xharra si dhe deputeti i Lëvizjes Vetëvendosje Fisnik Ismaili.

?Grushtimi i nje gruaje ne Kosove do te duhej te ngriste shoqerine ne kembe. Po i shkruaj keta rreshta derisa shpirti po me dhemb neper cka ka kaluar ato momente Vitorja. Heshtja eshte mbeshtetje per ata kriminel qe rrahen bashkeshorten e Blerandit. Nese edhe ne keto situata beni kalkulime politike, ne si shoqeri kemi degjeneruar perfundimisht!?,- shkruan Xharra.

Ndërkohë që deputeti i Vetëvendosjes, Fisnik Ismaili ka shkruajtur:

?Duhesh me qenë idiot, zdral e zog i qyqes, për me e sulmue një grue. E qesi tinzarësh pak si shpesh kohëve të fundit po sulmojnë gra zyrtarësh, e po iu kallin kerre, edhe çuditërisht hala nuk e zunë asnjanin. Këta njerëz duhet zanë e çue n’burg, jo veç për veprën e poshtër të sulmit, por edhe për përpjekjen që çdo herë me i dhanë ngjyrim politik këtyne akteve të dhunshme.

Këta zalloga s’janë burra. S’janë trima. Janë krijesa të poshtra, me qëllime të poshtra. Ju vjen dita edhe këtyne me u flladitë, edhe çdo e vërtetë me u zbardhë.

Shojcë: Sapo lexova që ai zalloga, zagari i Kadri Veselit e SHIK-ut, Uran Ismaili, i paska akuzue aktivistët e Lëvizjes VETËVENDOSJE! për këtë gjest të ndytë. Ngo, zagar: ju shquheni për tinzarë, e për pizda prej njerëzish, që keni rrehë e vra njerëz me vjet të tana, jo Lëvizja. Ju shquheni për procese të montueme, e dëshmi të rreme që fusin njerëz pa faj në burg. Ju shquheni për infiltrime protestuesish e provokime, për me e fajësue Lëvizjen.

Në asnjë rast nuk ka ndodhë që dikush i Lëvizjes VETËVENDOSJE! me ba gjeste tinzare, sepse na s’kemi prej kujt me fshehë asgja. Na nuk rrahim gra, por e promovojmë gruen në çdo moment në çdo aspekt. Na nuk jemi farë e fëlliqë sikur ju, me sulmue pas shpinde. Na përballemi aty ku duhet me kë duhet, qoftë në Kuvend apo protestë, pa na ba u trembë syni, oj kuçkë prej njeriu!

Edhe, për fund, shumica e aktivistëve të Lëvizjes janë tuj u kënaqë në Jal qetash, midis Shqipërie, edhe kujt nuk i ha leshi se çka lehë ai zagari tjetër, Blerandi, sepse krejt e dijmë se kurrkush s’i beson send?,- përfundon ai.

/Citynews