web counter
LEXO PA REKLAMA!

SHKARKO APP

App Store
Google Play

Çfarë mund të ndodhë nëse bllokohet Reforma në Drejtësi

24 Gusht 2017, 11:50, Aktualitet CNA

Janë të shumtë shqiptarët skeptikë të faktit se reforma në drejtësi do të shërbejë si një qilizëm që do të përmbysë nga themelet tokën e drejtësisë aktuale, drejtësisë së korruptuar dhe që vetëm drejtësi nuk ka prodhuar dhe nuk vazhdon të prodhojë.

Mosbesimi rrjedh prej të vërtetës se gjatë gjithë viteve të shkuara thirrjet e ndërkombëtarëve për të vënë në shina drejtësinë kanë qenë prezente por qëndronin deri këtu, pasi me gjithë ndërhyrjet që janë bërë në legjislacionin specifik të sistemit, implementimi për pjesën ndëshkuese ka qenë inekzistent. Ka qenë pothuajse ndëshkimi zero kur vinte fjala për të hetuar ?burrat e shtetit? të cilët kanë qenë jo vetëm abuzuesit më të mëdhenj por edhe bunkerëmbrojtës për një sërë të fortësh që si vend jete kanë merituar burgun.

Kjo ka qenë e shkuara e hidhur që nuk ka asnjë shans që të funksionojë si e tillë edhe në këtë reformë të re drejtësie të drejtuar me seriozitetin dhe këmbënguljen më të madhe nga SHBA dhe Bashkimi Europian. Optimizmi për ndryshimin e madh nuk është sllogan por i rrjedhur nga fakti se në rast se politika e xhaketave të  vjetra do t?ia dalë t?i vendosë gur bllokues nën rrota reformës, kundërgoditja do të jetë fatale. I prononcuar rreth kësaj teme shumë delikate dhe të mezipritur nga mbi 90 % e shqiptarëve avokat-politikani i mirëinformuar, Spartak Ngjela, në rrjetin e tij social kumton:

?Natyrisht që të gjithë ju që keni shprehur rezerva keni të drejtë. Por unë jam i sigurt kur them se e di me siguri të plotë që nëse kjo klasë politike nuk e vazhdon reformën ose e bllokon atë, Amerika është e vendosur që të ushtrojë embargo absolute mbi Shqipërinë. Brënda kësaj, asnjë qeveri në Shqipëri nuk mund të qëndronte dot në pushtet më shumë se tre muaj. Reforma është e sigurtë dhe dorëzimi i gjësë së vjedhur është i sigurtë: një nga një e që të tërë do t?i dorëzohen vetingut?./CityNews





Lajmet e fundit nga