web counter
LEXO PA REKLAMA!

SHKARKO APP

App Store
Google Play

E fundit!

x

Çfarë i tha Tritan Shehu lushnjarëve para se ta mbanin peng në stadium (Foto)

20 Gusht 2017, 11:36, Aktualitet CNA

Pasi më parë CityNews ka sjellë të publikuar momentin e mbritjes së Tritan Shehut në qytetin e trazuar të Lushnjes dhe zbritjen e tij nga helikopteri ushtarak në stadiumin e futbollit, sot nga libri i gazetarit Xhovani Shyti, ?Ditët e frikëshme të vitit ?97?, po vijojmë me fjalën që Shehu, në atë kohë ish zvendëskryeministër, ministër i Jashtëm, Kryetar i PD-së dhe president i firmës tregtare ?Shqiponja?, të akuzuar për ushtrim aktivitetesh antiligjore, mbajti para lushnjarëve, që në vend të tij prisnin të vinte bosi i firmës piramidale mashtruese ?Gjeneral? Rrapush Xhaferri.

Pasi zuri vend në një podium të sajuar brenda tribunës së stadiumit, Tritan Shehu iu drejtua lushnajrëve të irrituar, që prisnin prej tij tu thoshte masat që do të merrte qeveria për të rikthyer rendin dhe qetësinë publikë, me fjalët:

?Unë jam këtu për të konfirmuar faktin se qeveria shqiptare është e angazhuar për zhbllokimin e e situatës dhe për kthimin e parave të ngrira nëpër banka. Paratë do të kthehen, pa asnjë dyshim, kokërr më kokërr, veçse duhet pak durim. Ju duhet ti lini qeverisë kohën e domosdoshme dhe të hiqni dorë nga vandalizmat. Ne jemi qytetarë të botës së civilizuar që po shkon drejt prosperitetit, drejt progresit dhe s?duhet të bëjmë figurë të keqe. Këto që po ndodhin janë vepra të komunistëve, të qarqeve reaksionare, që duan ta shohin Shqipërinë të paintegruar, jashtë dyerve të Europës, të NATO-s dhe organizmave të tjera ndërkombëtare. Në këto pak vite ne kemi bërë hapa gjigande në rrugën e reformave të ekonomisë së tregut?. Dhe ministërzvendëskryeministri zu të rendiste sukseset e qeverisë pa harruar për asnjë çast të kuqtë (socialistët), që sipas tij ?kërkonin të na kthenin në kohët e vjetra, nostalgjike…?.

* Fragmenti i mësipërm është eksluzivitet i CityNews. Botohet me leje të autorit. Nëse jeni i interesuar për ta blerë, librin e gjeni tek libraritë ? Adrion?, pranë Pallatit të Kulturës dhe ?Book Story? në qendrën tregtare TEG.





Lajmet e fundit nga