web counter
LEXO PA REKLAMA!

SHKARKO APP

App Store
Google Play

E fundit!

x

Gazetarja vërteton me fakte dhe prova/Në Vlorë votuan 403 demokratë

26 Korrik 2017, 08:36, Aktualitet CNA

Pothuajse një muaj pas humbjes drastike që i solli Partisë Demokratike, Lulzim Basha u rizgjodh edhe për katër vite në krye të saj në një proces me mjaft kontestime, skandale dhe manipulime.

Raste skandaloze janë publikuar nga qytetete të ndryshme në lidhje me zhvillimin apo falsifikimin që i është bërë këtij procesi.

Gazetarja Jerola Ziaj, një ditë pas votimit dhe shpalljes së rezultatit ka publikuar videon, mes së cilës vërtetonte me fakte se disa persona votonin më shumë se 2 apo 3 herë.

Jo vetëm kaq, pas videos, gazetarja në fjalë ka deklaruar se do të arrinte ta vërtetonte se në Vlorë kanë votuar vetëm 403 persona dhe jo 1030, shifra zyrtare e paraqitur nga PD.

CityNews sot për të konfirmuar dhe për të qenë sa më pranë të vërtetës ka kontaktuar me vetë gazetaren Jerola Ziaj në lidhje me faktet dhe provat që vërtetonin që Vlora i dha vetëm 403 vota PD në procesin e zgjedhjes së kryetarit.

E pyetur nga CityNews, gazetarja tha se i gjithë procesi në Vlorë nga ora 8 e mëngjesit deri në orën 6 të pasdites (18:00), ka qenë i monitoruar me kamera dhe të pranishëm kanë qenë disa gazetarë.

Gazetarja tregon se nga ora 08:00-18:00 votuesit janë numëruar njëri pas tjetrit dhe bashkë me ata që kanë votuar më shumë se 2-3 herë, numri i tyre shkon në 364.

Më pas gazetarët janë nxjerrë jashtë dhe nga ora 18:00 deri në 19:00, të numëruar nga vetë gazetarja, por edhe të tjerë të pranishëm kanë votuar vetëm 39 demokratë.

Jo vetëm kaq, gazetarja tha për CityNews se zotëron të gjitha videot e të gjithë procesit të votimit, brenda sallës, por edhe jashtë saj./CityNews





Lajmet e fundit nga